Oseas 8:1 - Q'eqchi Bible

¹ “Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Li Santil hu

¹ Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Oseas 8:1 ပူးပေါင်းရင်းမြစ်များ

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Habacuc 1:8

Li xkawaayeb' jwal kaw neke'aanilak chiruheb' li hix, ut rajawal josq'eb' chiruheb' laj xojb' sa' li chaqich'och'. Numtajenaq xk'ihaleb' laj puub' ut toj najt ajwi' neke'xchap raanileb' chi yalok; chanchaneb' li t'iw li naxkut rib' sa' xb'een li xtzak.

1 Corintios 15:52

Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

San Mateo 24:28

B'ar wanq li kamenaq, aran te'xch'utub' rib' eb' li so'sol.

Zacarías 11:1

At Líbano, te laawokeb'aal, ut li xam taachoyoq re eb' laayaw.

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Sofonías 1:16

xkutankil li tz'uyink ut xyaab'asinkil li tronpeet chirixeb' li kawub'resinb'il tenamit ut chirixeb' li xnajt xteramil ochoch.

Amós 9:1

Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Joel 2:1

Yaab'asihomaq li pur aran Sión, yehomaq li esil a'in sa' linsantil tzuul. Che'xiwaq chixjunileb' li wankeb' Judá, xb'aan naq chalk re li xKutankil li Qaawa', nach' chik wank li kutan a'an:

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Ezequiel 16:59

«Laa'in, li Qaawa', ninye chi jo'ka'in: Tinb'aanu aawe li xab'aanu laa'at: kaq'et linsumwank ut katz'eqtaana li jurament.

Ezequiel 7:14

“Yaab'asihomaq li pur ut kawresihomaq chixjunil; ab'anan maajun taaxik chi yalok, xb'aan naq yo injosq'il sa' xb'eeneb' chixjunil li poyanam.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Jeremías 48:40

Jo'ka'in kixye li Qaawa': “Eb' li xik' neke'ilok re Mohab xe'xkut rib' sa' xb'een jo' junaq t'iw li xhel li xxik' sa' xb'een li xtzak.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Jeremías 4:5

“Yehomaq li esilal a'in reheb' laj Judá ut puktesihomaq reheb' laj Jerusalén. Yaab'asihomaq li pur yalaq b'ar sa' li na'ajej a'in ut yehomaq resil chi kaw xyaab' leekux: «Ch'utub'omaq eerib' ut yo'qeb' sa'eb' li kawub'resinb'il tenamit.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

2 Reyes 18:27

Ab'an li xnimal ru aj k'anjel aj Asiria kixye reheb': “Meek'oxla naq li awab'ej re Asiria xinxtaqla chaq chi xyeeb'al a'in aawe chi moko re laj Esekías, laj eechal aawe. Xinxtaqla b'an chaq chi xyeeb'al reheb' li winq wankeb' chaq sa' xb'een li suttz'ak. Xb'aan naq eb' a'an jo' ajwi' laa'ex tento teelow leek'ot ut teeruk' leechu'”.

Joel 2:15

Yaab'asihomaq li pur aran Sión, ch'utub'omaq li tenamit ut yehomaq resil li ayuunik.

Jeremías 34:18

Eb' li neke'jolomink re Judá ut Jerusalén, eb' laj ilol re li rochoch li awab'ej, eb' laj tij jo'wi' chixjunileb' li poyanam xe'xk'ojob' jun li sumwank chiwu: xe'xkamsi jun li saaj wakax, xe'xjach sa' xyi ut xe'nume'k sa' xyanq li wiib' jachal. Ab'an xe'q'etok aatin ut xe'xsach xwankil li sumwank xe'xk'ulub'a chiwu. Jo'kan naq tink'eheb' chi oso'k jo'qeb' li saaj wakax

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Ezequiel 17:3

Ye reheb': «Jo'ka'in xye li Qaawa': Jun nimla t'iw kiwulak Líbano, jwal ninq li xxik' ut najt xteram; pimpim li rismal ut k'iila paay xb'onol. Koxch'ot xsa' ru'uj jun li yaw,

Ezequiel 11:4

Jo'kan naq aatinan sa' ink'ab'a', at kaamel winq, ye resil li rahilal chaalel”.