Oseas 7:7 - Q'eqchi Bible

⁷ Chixjunileb' nachalk xjosq'ileb' jo' li tiqwal xam, ut neke'xkamsi li xjolomileb'. Kamenaqeb' chik chixjunileb' li x'awab'ejeb', ab'anan maajun naxyaab'a link'ab'a'.

Li Santil hu

⁷ Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Oseas 7:7 ပူးပေါင်းရင်းမြစ်များ

2 Reyes 15:30

Laj Oseas, ralal laj Elá, kixk'uub' xkamsinkil laj Pékaj, ralal laj Romelías, kixkamsi ut kikanaak chi awab'ejink sa' xna'aj.

2 Reyes 15:25

Ab'anan jun xjolomileb' laj puub', aj Pékaj xk'ab'a', ralal laj Romelías, kixk'uub' xkamsinkil li awab'ej, ut rochb'een lajeeb' roxk'aal chi winq aj Galahad koxtiq' aran Samaria, sa' rochoch li awab'ej. Kixkamsi ut ki'ok chi awab'ejink sa' xna'aj.

2 Reyes 15:14

xb'aan naq laj Menajén, ralal laj Gadí, kichalk chaq sa' li tenamit Tirsá, kol'okaq Samaria ut kiyalok rik'in laj Salún, ralal laj Yabés; kixkamsi ut kixtikib' awab'ejink sa' xna'aj.

2 Reyes 15:10

Laj Salún, ralal laj Yabés, kixk'uub' xkamsinkil laj Sakarías, koxtaw sa' li tenamit Iblehán, kixkamsi ut ki'ok chi awab'ejink sa' xna'aj.

Oseas 8:4

“Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Isaías 64:7

Maajun junaq napatz'ok laak'ab'a', chi moko naxyal xq'e chi xsik'b'al laatenq'aal, xb'aan naq xamuq aawib' chiqu ut xoohaakanab' rub'el xwankilal li qamaa'usilal.

Isaías 43:22

“Ab'an laa'at, a Jakob, ink'a' xapatz' link'ab'a', xattitz'k b'an inb'aan, a Israel.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Li xHu LAJ JOB 36:13

Eb' li ink'a' neke'xk'oxla li Yos, k'ajo' naq neke'josq'o'k. Us ta yookeb' chi k'uluk rahilal, ab'an ink'a' neke'xpatz' xtenq'ankileb'.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

2 Reyes 10:14

Toja' naq laj Jehú kixye reheb' li rochb'een: “Chapomaqeb' chi yo'yo”. Eb' li rochb'een laj Jehú ke'xchapeb' chi yo'yo, ke'xch'ot li xkuxeb' chi xk'atq xjulel ha' re li xNa'ajeb' laj b'esol rixeb' li karneer: wiib' roxk'aaleb' li ke'kamsiik. Maajun kikanaak chi yo'yo.

2 Reyes 10:7

Naq ke'xk'ul li xhu laj Jehú, eb' laj k'amol b'e aran Samaria ke'xchap li lajeeb' xkaak'aal chi alalb'ej ut ke'xch'ot li xjolomeb', ke'xk'e li xjolomeb' sa' jun chakach ut ke'xtaqla Jisrehel.

2 Reyes 9:33

ut a'an kixye reheb': “Kutomaq chaq taq'a li ixq a'an”. Ke'xkut chaq li ixq taq'a ut kirachok li xkik'el chiru li tz'ak ut chiruheb' li kawaay, ut kiyeq'iik xb'aaneb'.

2 Reyes 9:24

Ab'an laj Jehú kixyu' rix li xna' xsimaj ut kixkut li ral xsimaj chirix laj Jorán: a'an ki'ok ut koxpaynumi xch'ool, ut ak kamenaq chik laj Jorán naq kit'ane'k sa' li xb'eleb'aal ch'iich'.

1 Reyes 16:18

Naq laj Simrí kiril naq ak wank li tenamit sa' ruq'eb' laj Israel, koxmuq rib' sa' ru'uj li rochoch ut kixk'e xxamlel, chi wank a'an chisa', ut chi jo'kan kikamk.

1 Reyes 16:22

Ab'an li ch'uut ke'okenk chirix laj Omrí, ke'yalok rik'ineb' li xch'uut laj Tibní, li ralal laj Kinat. Kikamk laj Tibní ut a' chik laj Omrí kikanaak chi awab'ejink.

1 Reyes 15:28

Oxib' chihab' rokik laj Asá cho'q awab'ej re Judá, naq kikamsiik laj Nadab xb'aan laj Basá, ut a'in kikanaak sa' xna'aj.

Oseas 13:10

B'ar wank laa'awab'ej anaqwan re naq tatxkol sa' chixjunileb' laatenamit? B'ar wankeb' laj k'amol aab'e li kaye wi': «K'e in'awab'ej ut aj k'amoleb' inb'e»?

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Isaías 64:4

Maajun wa x'ab'imank chi moko x'ilmank jun sutaq naq junaq chik yos xb'aanu li xab'aanu laa'at cho'q reheb' li neke'paab'ank chiru.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.