Oseas 7:3 - Q'eqchi Bible

³ Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Li Santil hu

³ Nasahoꞌ saꞌ xchꞌo̱l li rey joꞌqueb ajcuiꞌ li nequeꞌcꞌanjelac chiru riqꞌuin li ma̱usilal ut li balakꞌi̱nc nequeꞌxba̱nu li tenamit.

Oseas 7:3 ပူးပေါင်းရင်းမြစ်များ

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

1 Juan 4:5

Eb' a'an reheb' li ruuchich'och'; jo'kan naq ruuchich'och'il aatin neke'xye, ut neke'ab'iik xb'aan li ruuchich'och'.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Oseas 7:5

Sa' xninq'e li awab'ej, neke'yajerk li xninqaleb' ru winq xb'aan li num uk'ak; neke'reetz'u eb' li poyanam, ut li awab'ej naxb'aanu jo' neke'xb'aanu eb' a'an.

Oseas 5:11

Q'axal rahob'tesinb'ileb' laj Efraín, ink'a' chik nak'eemank reheb' li k'aru xk'ulub'eb', xb'aan naq chirixeb' li jalanil yos yo chi xik li xch'ooleb'.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Jeremías 37:19

B'ar xkoheb' leepropeet li xe'yehok naq li awab'ej re Babilonia ink'a' tolyaloq eerik'in chi moko taareechani li tenamit a'in?

Jeremías 9:2

Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

1 Reyes 22:13

Li winq li kitaqlaak chi xb'oqb'al laj Mikeas, kixye re: “Chixjunileb' li propeet yookeb' xyeeb'al naq li awab'ej us taaxik chi yalok. Nintz'aama usilal chawu: jo'kanaq ta ajwi' laawaatin. Taaye naq us taa'elq li awab'ej”.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

Oseas 10:13

A'ut laa'ex xek'anjela ru li maa'usilal, jo'kan naq xeq'ol li raaxiik' ut li ru li tik'ti' yookex chi xtzekankil. “Ex aj Israel, xekawub'resi leech'ool naq wankeb' chaq leeb'eleb'aal ch'iich' ut k'ajo' xk'ihaleb' laj puub' xe'wank eerik'in.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.