Oseas 6:5 - Q'eqchi Bible

⁵ Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

Li Santil hu

⁵ Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Oseas 6:5 ပူးပေါင်းရင်းမြစ်များ

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Apocalipsis 9:21

Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

Apocalipsis 9:15

Ut ke'k'ixe'k li kaahib' chi ánjel li yo'oon wankeb' cho'q re li honal, re li kutan, li po ut li chihab', re xkamsinkileb' li rox jachal chixjunileb' li winq.

Apocalipsis 2:16

Yot' b'i' aach'ool jal aak'a'uxl. Wi ut ink'a', tinxik chi seeb' wankat wi' ut tinyaloq rik'ineb' a'an chiru li ch'iich' na'elk chi xtz'uumal we.

Apocalipsis 1:16

Sa' li xnim uq' wankeb' wuqub' chi chahim ut sa' re na'elk chaq jun li jutz' ch'iich' ka'pak'al xq'esnal, ut li xnaq' ru kama' li saq'e naq nalemtz'unk chi k'ajo' xtiqwal.

Hechos 7:31

Sachso xch'ool laj Moisés naq kiril li kik'utb'esiik chiru; ut naq kinach'ok chi rilb'al chi us, kirab'i xyaab' xkux li Qaawa' li kixye:

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Ezequiel 43:3

Li moy u a'in a'an kama' wi' li kiwil naq kisache'k ru Jerusalén, ut kama' ajwi' li kiwil chire li nima' Kebar. Laa'in kinwiq'laak ut kinhupub' wib' chiru ch'och',

Ezequiel 3:9

Jwal kawaq aawib' jo' li raxpek, ut q'axal kawaq chik laawilob'aal chiru li saqoonak. Matxiwak ut maaxiwa ruheb', xb'aan naq q'etq'etil tenamiteb'”.

Jeremías 13:13

Toja' naq taaye reheb': «Jo'ka'in xye li Qaawa': Ok we chi xb'ut'b'aleb' chi b'iin chixjunileb' li wankeb' sa' li tenamit a'in; eb' li awab'ej li neke'k'ojlaak sa' xk'ojarib'aal laj David, eb' laj tij, eb' li propeet ut chixjunileb' laj Jerusalén.

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

Salmos 37:6

tixk'e chi kutano'k li xtiikilal laawaanm jo' naq nasaqewk, taalemtz'unq li xchaab'ilal laayu'am jo' naq nawa'leb'o'k.

Li xHu LAJ JOB 34:10

Ab'ihomaqin laa'ex li chaab'il eech'ool. Meek'oxla naq li Nimajwal Yos naxb'aanu li maa'usilal ut li ink'a' us.

2 Crónicas 21:12

Ab'an li propeet Elías kixtaqla jun xhu re xyeeb'al re: “Jo'ka'in xye li Qaawa', xYos laj David laayuwa': «Laa'at ink'a' xab'aanu li us, jo' xb'aanu laj Josafat laayuwa' jo'wi' laj Asá, awab'ej re Judá,

2 Reyes 1:16

kixye re: “Jo'ka'in xye li Qaawa': «Laa'at xataqlaheb' aataql chi patz'ok rik'in laj Bahal-Sebub, xyoseb' laj Ekrón. Jo'kan naq chiru li ch'aat sotsookat wi', tatkamq chi maak'a' xja'lenkil»”.

1 Reyes 19:17

Li taakole'q sa' ruq' laj Jasahel, taakamsiiq xb'aan laj Jehú, ut li taakole'q sa' ruq' laj Jehú, taakamsiiq xb'aan laj Eliseo.

1 Reyes 18:17

ut naq kiril ru, kixye re: “Ma laa'at laj sachonel reheb' laj Israel?”.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

1 Reyes 14:6

Ka'ajwi' kirab'i li xyaab' roq li ixq naq yo chi ok sa' li kab'l, laj Ajías kixye re: “Okan chaq, at rixaqil laj Jerobohán. K'a'ut naq nakak'e aawib' chi jalan? Wank jun li esilal jwal ra rab'inkil cho'q aawe.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Efesios 6:17

Chapomaq ajwi' li xtz'apb'al eejolom, a'an li kolb'a ib', jo'wi' li xch'iich'ul li Musiq'ej, a'an li Raatin li Yos.

1 Samuel 15:32

Chirix chik a'an kixye laj Samuel: “K'amomaq chaq laj Agag, awab'ej re Amalek”. Ut laj Agag kixk'ut rib' chiru laj Samuel chi sa sa' xch'ool, yo chi xyeeb'al: “Relik chi yaal naq ink'a' chik tine'xkamsi”, chan.

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Ezequiel 32:18

“At kaamel winq, b'icha li b'ich a'in re rahil ch'oolej chirixeb' laj Ejiipt ut eb' li neke'jolomink reheb', aawochb'eeneb' li rixqilaleb' li xninqal ru tenamit: «Eb' li wankeb' xwankil yooqeb' chi oso'k ut yooq xmuqb'aleb' sa' xyanqeb' li xe'q'ajk xe'sutq'iik.

Li xHu LAJ JOB 15:30

Ink'a' taakole'q chiru li aak'ab': chanchanaq li che' k'atb'il xb'aan li xam, ut li iq' xk'amok re li ratz'um.

Ezequiel 11:4

Jo'kan naq aatinan sa' ink'ab'a', at kaamel winq, ye resil li rahilal chaalel”.