Oseas 6:4 - Q'eqchi Bible

⁴ “K'aru tinb'aanu aawe, a Efraín? K'aru tinb'aanu aawe, a Judá? Linraab'al nekeye, a'an jo' li choql toj eq'la, jo' li xchu'ke li sa' junpaat nanume'k xb'aan li iq'.

Li Santil hu

⁴ Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Oseas 6:4 ပူးပေါင်းရင်းမြစ်များ

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

San Mateo 13:21

ab'an maak'a' xxe' rik'in ut ink'a' najt naxkuy. Ut naq nachalk junaq raaxiik' malaj rahob'tesiik sa' xk'ab'a' li Aatin, sa' junpaat nach'inank xch'ool.

Jeremías 34:15

Anaqwan laa'ex xeyot' leech'ool xejal leek'a'uxl ut xeb'aanu li nawulak chiwu: xekanab' chi ach'ab'anb'il leerech tenamitul ut xek'e eerib' sa' aatin wik'in, sa' li ochoch nanimaak wi' link'ab'a'.

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Jeremías 5:23

Ab'an li tenamit a'in a'an aj b'alaq', jip li xch'ool ut q'etq'et; xine'xtz'eqtaana ut xkoheb'.

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Jeremías 5:7

“Chan ta naq tinkuy aamaak xb'aan a'an, a Jerusalén? -chan li Qaawa'-. Eb' laawalal aak'ajol xine'xtz'eqtaana ut a' chik li maawa' yos neke'xpatz' sa' jurament. Naq xink'eheb' chi tzekank toj reetal xe'nujak, intz'eqtaanankil chik xe'xb'aanu ut jun xikikeb' sa' rochochil li maa'usilal chi xmuxb'aleb' rib'.

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Jeremías 3:10

Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Jueces 3:12

Eb' laj Israel ke'xb'aanu wi' chik li ink'a' nawulak chiru li Qaawa'; jo'kan naq li Qaawa' kixnimob'resi xwankil laj Eklón, awab'ej re Mohab, sa' xb'eeneb' laj Israel, xb'aan naq ke'xb'aanu li ink'a' nawulak chiru li Qaawa'.