Oseas 4:8 - Q'eqchi Bible

⁸ Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

Li Santil hu

⁸ Nequetzaca li nequeꞌxmayeja lin tenamit re xtojbal rix lix ma̱queb. Joꞌcan nak chokꞌ e̱re la̱ex aj tij kꞌaxal us nak yo̱keb chi ma̱cobc.

Oseas 4:8 ပူးပေါင်းရင်းမြစ်များ

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

1 Samuel 2:29

K'a' naq xetz'eqtaana lin'artal ut li mayej li xinye eere naq teeq'axtesi sa' linloq'laj Muheb'aal? K'a' naq q'axal chik xaraheb' laawalal aak'ajol chiwu laa'in ut xach'oolaniheb' rik'in xchaab'ilal chixjunil li xmayejeb' lintenamit Israel?».

Levítico 6:26

Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Salmos 24:4

Ka'ajwi' li chaab'il xyu'am ut saq ru xch'ool, li ink'a' naxloq'oni eb' li jalanil yos, chi moko nayehok jurament sa' tik'ti'.

Ezequiel 14:7

Naq junaq aj Israel malaj junaq aj ab'l tenamit li wank sa' xyanqeb' laj Israel taanajto'q wik'in ut tixq'axtesi rib' chi xloq'oninkil li jalanil yos, ut k'ojk'o xch'ool chirix li nak'ehok chi maakob'k, wi taachalq rik'in junaq propeet re patz'ok wik'in, laa'in, li Qaawa', tinsume:

Ezequiel 14:3

“At kaamel winq, eb' li winq a'in xe'xq'axtesi rib' chi xloq'oninkileb' li jalanil yos, ut k'ojk'o xch'ooleb' chirix li nak'amok reheb' chi maakob'k. Ma tinkanab' wib' naq tinpatz'e'q chirix li k'aru te'xb'aanu?

Salmos 25:1

Xsaalm laj David. At Qaawa', ninq'axtesi aawe linch'ool,

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Oseas 10:13

A'ut laa'ex xek'anjela ru li maa'usilal, jo'kan naq xeq'ol li raaxiik' ut li ru li tik'ti' yookex chi xtzekankil. “Ex aj Israel, xekawub'resi leech'ool naq wankeb' chaq leeb'eleb'aal ch'iich' ut k'ajo' xk'ihaleb' laj puub' xe'wank eerik'in.

Oseas 12:8

Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Levítico 6:22

Jo'ka'in tento tixk'uub' li xmayej li xb'eenil aj tij, ralal k'ajol laj Aharón, a' li taaxaqab'aaq cho'q reeqaj. A'an a'in jun xchaq'rab' li Qaawa' wank xwankil chi junelik: tento taak'atmanq chixjunil.

2 Reyes 12:16

Li tumin namayejamank re xtojb'al rix li maak jo' ajwi' chirix li maak, ink'a' nak'eemank sa' rochoch li Qaawa', reheb' b'an laj tij nakanaak.