Oseas 4:3 - Q'eqchi Bible

³ Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Li Santil hu

³ Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Oseas 4:3 ပူးပေါင်းရင်းမြစ်များ

Sofonías 1:3

Tinsach ruheb' li poyanam ut eb' li xul, tinkamsiheb' li xik'anel xul jo'wi' eb' li kar; teb'ink'e chi tichk'ok li ink'a' useb' xna'leb' ut twisiheb' li winq sa' ruuchich'och'”, chan li Qaawa'.

Nahum 1:4

Naxch'iila li palaw ut naxk'e chi chaqik; naxchaqihob'resi ajwi' eb' li nima'. Chiru li Qaawa' neke'tz'umak li xpimul Basán ut Karmeel, ut neke'chaqik eb' li uutz'u'uj re Líbano.

Amós 5:16

Jo'kan naq li Qaawa', li Nimajwal Yos, kixye chi jo'ka'in: “Taawanq yaab'ak sa' chixjunileb' li k'ayiil, ut sa'atqeb' li b'e taawanq tz'uyink xb'aan li rahilal. Te'b'oqmanq chi yaab'ak eb' laj k'aleb'aal ut te'b'oqe'q chi q'oqonk li tojb'ileb' chi yaab'ak;

Ezequiel 38:20

Eb' li kar sa' li palaw, eb' li xik'anel xul, eb' li josq' aj xul ut eb' li k'anti' siksootqeb' chiwu; jo'kanaqeb' ajwi' chixjunileb' li poyanam sa' li ruuchich'och'. Te'uq'je'q chaq eb' li tzuul, te'tolk'oqje'q chaq eb' li saqoonak ut te't'anje'q eb' li suttz'ak.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Jeremías 4:25

Kiwil naq maajun chik poyanam; elenaqeb' ajwi' chixjunileb' li xik'anel xul.

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Amós 1:2

Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Joel 1:18

K'ajo' naq neke'me'lok eb' li ketomq; neke'saapank li ixqi wakax chi sik'ok raxpim, ut yookeb' chi kamk eb' li karneer.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Jeremías 9:9

Ma ink'a' tab'i' tink'eheb' chi xtojb'al rix li maak a'an? Ma ink'a' tab'i' tink'ajtesi ruheb' li tenamit jo'ka'aneb'? -chan li Qaawa'-.