Oseas 4:2 - Q'eqchi Bible

² Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Li Santil hu

² Nequeꞌxba̱nu li juramento ut incꞌaꞌ nequeꞌxba̱nu li cꞌaꞌru nequeꞌxye. Nequeꞌticꞌtiꞌic ut nequeꞌcamsin. Nequeꞌelkꞌac ut nequeꞌmuxuc caxa̱r. Yo̱ chi numta̱c lix ma̱usilaleb ut junes xcamsinquil ribeb nequeꞌxba̱nu rajlal.

Oseas 4:2 ပူးပေါင်းရင်းမြစ်များ

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

1 Ts 2:15

Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Jeremías 6:7

Jo' naq nayo'laak li ha' sa' junaq jul, jo'kan ajwi' naq na'elk chaq li maa'usilal Jerusalén. Sa' li tenamit a'an ka'ajwi' li rahilal ut li elq'ak na'ab'imank resil; junes raaxiik' ut rahil ch'oolej nawil junelik.

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

San Mateo 23:35

re naq taachalq sa' eeb'een chixjunil li xkik'el li tiikeb' xch'ool li kihoye'k sa' ruuchich'och' chalen chaq sa' li xkamik laj Abel li tiik xch'ool toj rik'in li xkik'el laj Sakarías, ralal laj Barakías, li kekamsi sa' xyanq rochoch li Yos rik'in li artal.

Zacarías 7:9

“Jo'ka'in naxye li Nimajwal Yos: Chexraqoq aatin sa' tiikilal, aj uxtaanaqex ut rahomaq eerib' cherib'il eerib'.

Zacarías 5:3

Toja' naq kixye we: “A'an li majewank xchalk sa' xb'een chixjunil li na'ajej a'in, jo' chanru tz'iib'anb'il sa' xka'pak'alil li hu. Xb'aan naq chixjunil laj elq' taa'isiiq arin, ut chixjunil li nayehok jurament sa' tik'ti' jo'kan ajwi' tixk'ul.

Sofonías 3:1

Ra chaalel sa' xb'een Jerusalén, li tenamit q'etq'et, muxb'il ru ut aj rahob'tesinel.

Miqueas 6:10

Sa' rochoch li ink'a' us xna'leb' wank li b'ihomal tawb'il sa' b'alaq' ut eb' li b'isleb' ka'paay ru, li q'axal nintz'eqtaana.

Miqueas 3:9

Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;

Miqueas 3:2

Ab'anan laa'ex neketz'eqtaana li us, ut a' chik li maa'usilal nekera; nekerahob'tesiheb' lintenamit toj chiru li xb'aqeleb'.

Oseas 12:14

Eb' laj Efraín ke'yoob'ank xjosq'il li Yos; jo'kan naq te'k'ehe'q chi xtojb'al rix li kamsink ke'xb'aanu. Li Qaawa' taareeqaju li maa'usilal ke'xb'aanu.

Oseas 10:4

Yal junes aatin li neke'xye, b'alaq'il jurament neke'xb'aanu ut maak'a' aj e naq neke'xk'e rib' sa' aatin. Li raqok aatin neke'xb'aanu chanchan li kaqipim nak'iik sa' li awimq.

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Oseas 5:2

Xeb'ek jun li jul q'axal cham aran Sitín; jo'kan naq texink'e chi xtojb'al rix leemaa'usilal chejunilex.

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Génesis 4:8

Chirix chik a'an kixye laj Kaín re laj Abel li riitz'in: “Yo'o sa' k'aleb'aal”. Ut naq wankeb' sa' k'aleb'aal, laj Kaín kixkut rib' sa' xb'een laj Abel li riitz'in ut kixkamsi.

Deuteronomio 5:11

«Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Deuteronomio 5:18

Matmuxuk sumlaak.

Deuteronomio 5:19

Mat-elq'ak.

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.

Ezequiel 7:23

“Kawresi junaq kareen, xb'aan naq xiikil li kamsij ib' ut k'ajo' li rahilal sa' li tenamit.

Oseas 6:8

Galahad a'an xna'ajeb' li ink'a' useb' xna'leb', ut nujenaq chi kik'.

Oseas 7:4

Chixjunileb' a'an junes aj muxuleb' sumlaak; chanchaneb' li tiqwal xam, li ink'a' chik na'ajmank ru naq taak'ehe'q xkomon xxamlel toj reetal taasipooq li kaxlanwa.

Oseas 10:13

A'ut laa'ex xek'anjela ru li maa'usilal, jo'kan naq xeq'ol li raaxiik' ut li ru li tik'ti' yookex chi xtzekankil. “Ex aj Israel, xekawub'resi leech'ool naq wankeb' chaq leeb'eleb'aal ch'iich' ut k'ajo' xk'ihaleb' laj puub' xe'wank eerik'in.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.