Oseas 4:14 - Q'eqchi Bible

¹⁴ Ab'an laa'in ink'a' tinrahob'tesiheb' leerab'in xb'aan li yumb'eetak chi moko leeralib' xb'aan xmuxb'al li xsumlajikeb', xb'aan naq laa'ex ajwi' nekexxik chi maakob'k rik'ineb' laj yumb'eet, ut nekexmayejak eerochb'eeneb' li ixq li neke'yumb'eetak sa'eb' leetijob'aal; ut lintenamit li maak'a' xna'leb'eb' yookeb' chi sachk.

Li Santil hu

¹⁴ La̱in incꞌaꞌ tebinqꞌue chixtojbal rix xma̱queb le̱ rabin nak nequeꞌyumbe̱tac ut incꞌaꞌ ajcuiꞌ tebinqꞌue chixtojbal rix xma̱queb le̱ ralib nak nequeꞌxmux ru xsumlajiqueb. Incꞌaꞌ tebinqꞌue chixtojbal rix xma̱queb xban nak la̱ex ajcuiꞌ nequexcꞌamoc xbeheb nak nequexxic riqꞌuineb li ixk aj yumbe̱t ut nequexmayejac chiruheb li yi̱banbil dios e̱rochbeneb li ixk li nequeꞌxkꞌaxtesi ribeb chi yumbe̱tac. Joꞌcan nak li tenamit li incꞌaꞌ nequeꞌxtau xya̱lal, teꞌosokꞌ.

Oseas 4:14 ပူးပေါင်းရင်းမြစ်များ

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Hebreos 12:8

Wi ut maak'a' eetijb'al (ut a'an neke'xk'ul chixjunileb'), naraj naxye naq yal sik'b'il alex ut ink'a' tz'aqal alalb'ejex.

Efesios 4:18

q'oqyink ru li xk'a'uxeb' ut ab'leb' sa' li xyu'am li Yos, xb'aan naq maak'a' neke'xnaw ut kaweb' li xjolom.

1 Corintios 6:16

Ma ink'a' nekenaw naq li naxlaq'ab' rib' rik'in junaq aj yumb'eet, jun aj chik chi tz'ejwalej nakanaak wi' rik'in? Xb'aan naq naxye li Santil Hu: “Junajeb' aj chik chi tz'ejwalej te'kanaaq chi xkab'ichaleb'”.

Romanos 3:11

Maa'ani wank xna'leb', junaq taxaq li nasik'ok re li Yos.

San Juan 8:43

K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Oseas 4:17

Laj Efraín xkoho xch'ool chirixeb' li yal k'oxlanb'il yos: kanab'omaq chi xb'aanunkil!

Daniel 12:10

Naab'aleb' li te'yale'q rix ut te'ch'ajob'resiiq xb'aan li Yos. Eb' li yib'ru xna'leb'eb' toj yooqeb' chi xb'aanunkil li maa'usilal, chi maajun taatawoq xyaalal; ab'anan li wankeb' xchoxahil na'leb' te'xtaw ru.

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

2 Reyes 23:7

Kixjuk'eb' li na'ajej re ko'b'eetak yumb'eetak li wankeb' sa' rochoch li Qaawa', b'arwi' eb' li ixq neke'xkem raq' lix Aserá.

1 Reyes 15:12

Kirisiheb' sa' li tenamit eb' li neke'b'aanunk li tz'i'b'eetalil, ut kixjuk'eb' chixjunileb' li jalanil yos yiib'anb'ileb' xb'aaneb' li xxe'toonil yuwa'eb'.

Deuteronomio 23:17

“Ink'a' te'wanq ixq malaj ut winq sa' xyanqeb' laj Israel li te'xk'ayi li xtib'eleb' sa' rochoch li Qaawa'.

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Números 25:3

Chi jo'kan eb' laj Israel ke'xq'axtesi rib' chi xloq'oninkil laj Bahal-Pehor, ut q'axal kijosq'o'k li Qaawa' rik'ineb'.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.