Oseas 3:4 - Q'eqchi Bible

⁴ Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Li Santil hu

⁴ Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Oseas 3:4 ပူးပေါင်းရင်းမြစ်များ

Jueces 17:5

Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Génesis 31:19

Sa' li kutan a'an, naq laj Labán yo chaq chi xb'esb'aleb' rix li xkarneer, lix Rakel kirelq'a li xkok' yoseb' li xyuwa'.

Hebreos 10:26

Xb'aan naq ak xqanaw li yaal; ut wi nokoomaakob'k wi' chik chi yal traj qach'ool, maak'a' chik aj e li mayejak chirix li maak,

Daniel 12:11

Chalen sa' li kutan naq taasachmanq xwankil li mayejak rajlal kutan ut taak'ojob'aaq li xnimal tz'i'b'eetal sa' rochoch li Yos, taanume'q lajeeb' ro'k'aal xka o'q'ob' (1,290) kutan.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

1 Samuel 23:9

Ab'an laj David naq kixnaw naq laj Saúl yo chi xk'uub'ankil li xkamik, kixye re laj Abiatar laj tij: “K'am chaq li efod”;

Jueces 8:27

Rik'in li oor kiq'axtesiik re, laj Jedehón kixyiib' jun li efod ut kixk'e aran Ofrá, sa' li xtenamit. Ab'an chixjunileb' laj Israel ke'xmux li xpaab'aaleb' xb'aan li efod, li kikanaak jo' jun ra'al cho'q re laj Jedehón ut li xjunkab'al.

Éxodo 28:4

A'aneb' a'in li raq' li te'xyiib': jun b'ools li wanq chire xch'ool, pektoral xk'ab'a', jun efod, jun jut-aq' pik'b'ilaq ru, jun chik li aq' li taak'eemanq sa' xb'een, jun punit ut jun xk'aamal xsa'. Te'xyiib' b'i' chi chaab'il eb' li raq' laj Aharón laawas jo'wi' li raq'eb' li ralal xk'ajol, re naq te'k'anjelaq chiwu cho'q aj tij.

San Juan 19:15

Ut eb' a'an ke'xjap re: —Isi chiqu, isi chiqu! K'e chiru krus! chankeb'. Kixye laj Pilaat reheb': —Ma a' leerey tink'e chiru krus? Ke'chaq'ok li xb'eenileb' aj tij ut ke'xye: —Maak'a' qarey, ka'ajwi' laj César.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Oseas 13:11

Sa' linjosq'il kink'e laa'awab'ej, ut xb'aan linjosq'il kiwisi wi' chik chawu.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Ezequiel 21:21

Xb'aan naq li awab'ej re Babilonia xxaqliik sa' li xaalib'e ut yo xq'ehinkil b'ar taaxik: naxchiq'le li xsimaj, yo chi patz'ok reheb' li xyos ut rik'in xsaaseb' li xul li kixmayeja.

Ezequiel 20:32

Sa' eech'ool laa'ex naq kama'aqex eb' li tenamit junch'ol, jo'kaqex eb' li poyanam li neke'loq'onink che' ut pek; ab'anan a'an maajoq'e taak'ulmanq.

2 Reyes 23:24

Laj Josías kirisiheb' ajwi' eb' laj q'e, eb' laj tuul, eb' li xjalam u li yoseb' wankeb' sa' li junqkab'al ut chixjunileb' li jalanil yos, jo'wi' chixjunil li tz'i'b'eetalil na'ilmank sa' xteepal Judá ut Jerusalén. Chi jo'kan kib'aanumank jo' tz'aqal naxye li Chaq'rab' tz'iib'anb'il sa' li hu kitawmank sa' rochoch li Qaawa' xb'aan laj Jilkías laj tij.

2 Samuel 6:14

Chirix chik a'an ki'ok chi xajok chi anchal xch'ool sa' xk'ab'a' li Qaawa', chi tiqto yal rik'in jun efod liin.

1 Samuel 30:7

ut kixye re laj Abiatar laj tij, ralal laj Ajimélek: “B'aanu usilal, k'am chaq li efod”. Naq laj Abiatar kixk'am li efod rik'in laj David,

1 Samuel 23:6

Naq laj Abiatar, ralal laj Ajimélek, koho eelel wan wi' laj David, kikub'eek aran Kehilá chi wank li efod sa' ruq'.

1 Samuel 22:18

Jo'kan naq li awab'ej kixye re laj Dohek: “Jilon laa'at ut kamsiheb' laj tij”. Tikto laj Dohek aj Edom kixkut rib' sa' xb'eeneb' laj tij ut, sa' li kutan a'an, kixkamsiheb' oob' ro'k'aal chi winq li neke'roksi li efod liin.

1 Samuel 21:9

Kichaq'ok laj tij: “Wank arin li xjutz' ch'iich' laj Goliat, a' laj Filistea li xakamsi laa'at sa' xtaq'ahil Elá. Lanlo sa' t'ikr chirix li efod. Wi taawaj, xok. Maak'a' chik junaq ch'iich' chirix a'an”, chan. Kixye laj David: “K'e we a'an. Maak'a' chik ch'iich' q'axal chaab'il jo' a'an”.

1 Samuel 14:3

(laj tij li wank li efod chirix, a'an aj Ajías, ralal laj Ajitub, riitz'in laj Ikabod, ralal laj Pinjás, ralal laj Elí, laj tij chiru li Qaawa' aran Siló). Eb' laj puub' ink'a' ke'xk'e reetal naq xikenaq laj Jonatán.

1 Samuel 2:18

Laj Samuel li ch'ina'al wan chaq chi k'anjelak chiru li Qaawa', tiqto rik'in efod yiib'anb'il rik'in liin.

Levítico 8:7

Kixk'e li jut-aq' chirix laj Aharón, kixb'ak' li xk'aamal xsa' ut kixtiqib' rik'in li xka'ta jut-aq'; kixk'e li efod sa' xb'een ut kixjit' chi kaw rik'in li xk'aamal.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 31:34

Ab'an lix Rakel kixokok chaq re li kok' yos, kixmuq rub'el li k'ojarib'aal wank chirix li kameey ut kik'ojlaak sa' xb'een. Naq laj Labán kixpoqle chixjunil li muheb'aal, maak'a' kixtaw.

Jueces 18:14

Toja' naq eb' li oob' chi aj k'ehol eetal ke'xye reheb' li xkomon: “Ma ink'a' nekenaw naq sa' li kab'l a'in wank jun efod, wankeb' kok' jalam u ut jun pak'b'il yos? K'oxlahomaq chi us k'aru teeb'aanu”, chankeb'.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Lamentaciones 2:9

T'anjenaqeb' chik sa' ch'och' eb' li xtz'apb'al ut xnat'b'aleb' rix li okeb'aal: li Qaawa' xjuk'uk ut xjorok reheb'. Li awab'ej ut li xninqaleb' ru winq wankatqeb' chik sa' xyanqeb' li maak'a'eb' xpaab'aal. Maak'a' chik Chaq'rab', ut eb' li propeet maak'a' chik neke'rab'i rik'in li Yos.

Oseas 13:10

B'ar wank laa'awab'ej anaqwan re naq tatxkol sa' chixjunileb' laatenamit? B'ar wankeb' laj k'amol aab'e li kaye wi': «K'e in'awab'ej ut aj k'amoleb' inb'e»?

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.

Éxodo 28:6

“Yiib'anb'ilaq chi chaab'il li efod rik'in oor, kaqinoq' ut moraad, rik'in kaqjorinkil noq' ut b'aqb'il liin li jwal chaab'il.

Ezequiel 19:14

Sa'eb' li ruq' ki'elk li xam, ut kixk'at eb' li ruq' jo'wi' eb' li ru. Maak'a'aq chik li xkawil uq'; ink'a' chik taayiib'amanq li xxuq'eb' li awab'ej chiru»”. A'an a'in jun b'ich re rahil ch'oolejil, ut jo' b'ich re rahil ch'oolejil taab'ichamanq.

Ezequiel 21:31

aran twisi linjosq'il sa' eeb'een, texinsach xb'aan xpo'ik linch'ool ut texinq'axtesi sa' ruq'eb' li josq' aj winq, li k'aynaqeb' chi kamsink.