Oseas 2:3 - Q'eqchi Bible

³ Wi ink'a' tixkanab' xb'aanunkil, laa'in tinkanab' sa' xutaan ut chi t'ust'u, jo' naq kiyo'laak; jo' li chaqich'och' tkanaaq ut chi pojtz' ch'och', re naq taakamq xb'aan xmajelal li ha'.

Li Santil hu

³ Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Oseas 2:3 ပူးပေါင်းရင်းမြစ်များ

Ezequiel 16:22

Naq yookat chi xb'aanunkil li maa'usilal jo' aj yumb'eet, ink'a' kijultiko'k aawe naq sa' laasaajilal katwank chaq chi t'ust'u ut nakatb'oolank sa' laakik'el.

Ezequiel 19:13

Ut anaqwan sa' chaqich'och' chik wank, sa' joxk' ch'och', b'ar maak'a' wi' li ha'.

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Apocalipsis 17:16

Li josq' aj xul ut eb' li lajeeb' chi xukub' li xawil, xik' te'ril laj yumb'eet; te'xkanab' chi nakirnak ut chi t'ust'u, te'xtiw li xtib'el ut te'xk'at li ixq sa' xam.

Jeremías 51:43

Nakirirnak xe'kanaak eb' li xtenamit, chanchaneb' aj chik li joxk' ch'och'; maajun chik poyanam wank chisa' chi moko nanume'k aran.

Jeremías 22:6

Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Jeremías 17:6

A'an chanchanaq li warak'ix sa' li chaqich'och' li maajun wa toxch'oolaniiq, taawanq b'an sa' li na'ajej pek ru, sa' li joxk' ch'och' b'arwi' maajun poyanam wank aran.

Jeremías 13:26

Laa'in ajwi' tatinkanab' chi yak'yo re naq taak'utunq laaxutaan.

Jeremías 12:10

Naab'aleb' laj k'aak'alenel ketomq xe'xsach li wawimq ut xe'xteni ru li weechanihom; joxk' aj chik xe'xkanab' linna'aj li jwal raaro inb'aan, chanchan chik li chaqich'och'.

Jeremías 4:26

Kin'ilok wi' chik ut kiwil naq joxk' aj chik ru li chaab'il ch'och', juk'b'ileb' chik chixjunileb' li tenamit xb'aan li Qaawa', xb'aan xxamlel li xjosq'il.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Isaías 64:10

Eb' laasantil tenamit neke'kirirnak xe'kanaak, maajun chik wank sa' li tenamit Sión ut Jerusalén xkanaak chi po'lemil.

Isaías 47:3

Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Jueces 15:18

K'ajo' naq taachaqiq re laj Sansón naq kixb'aanu a'an! Jo'kan naq kixyaab'a xk'ab'a' li Qaawa' ut kixye: “Laa'at xinaak'e chi numtaak sa' xb'eeneb' laj Filistea. Ut anaqwan ma tinaakanab' chi kamk xb'aan chaqi'eel? Ma tinaaq'axtesi sa' ruq'eb' li ink'a' nakate'xpaab'?”, chan.

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Oseas 2:10

Ut anaqwan tinkanab' sa' xutaan chiruheb' li neke'rahink re, ut maajun chik taakoloq re sa' wuq'.

Jeremías 14:3

Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Oseas 13:15

Us ta laj Efraín taa'atz'umaq jo' li pim, taachalq li tiqwal iq' sa' xjayal releb'l saq'e; taawakliiq chaq sa' li chaqich'och' ut tixchaqihob'resi chixjunileb' li yu'amha' jo'wi' eb' li releb'aal li ha'. Ut taamaq'e'q chixjunil li xb'ihomal jo' ajwi' jo'nimal jwal chaab'il li wank re.

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.