Oseas 2:16 - Q'eqchi Bible

¹⁶ Sa' li kutan a'an tixye we: «At inb'eelom», cha'aq; ut ink'a' chik: «At inBahal».

Li Santil hu

¹⁶ Ut incꞌaꞌ chic tixye: “At Baal, la̱at laj e̱chal cue.” Tixye ban cue: “at inbe̱lom.”

Oseas 2:16 ပူးပေါင်းရင်းမြစ်များ

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Oseas 2:7

Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Apocalipsis 19:7

Choosaho'q, chik'utunq xsahil qach'ool ut chiqak'e xnimal xloq'al, xb'aan naq xtaw xq'ehil xsumlajik li Karneer. Li rixaqil ak xkawresi rib'

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Génesis 34:3

Ab'anan xkoho xch'ool chirix lix Dina, xrab'in laj Jakob; kixra li ixqa'al ut kiraj xk'ojob'ankil xch'ool.

Jueces 19:3

Toja' naq li xb'eelom kixchap xb'e ut koho rik'in li ixq re xtz'aamankil ut xq'unb'esinkil naq taaxik wi' chik rik'in. Kixk'am xmoos chirix ut jun sumal xb'uur. Li ixq kiroksi li winq sa' rochoch li xyuwa'. Kisaho'k ajwi' xch'ool li yuwa'b'ej naq kiril chi wulak ut ki'elk chaq chi xk'ulb'al.

Li xHu LIX RUT 2:13

Toja' naq lix Rut kixye: —Usilal xintaw chawu: k'ajo' naq xak'ojob' linch'ool. Us ta laa'in maawa'in xkomoneb' laamoos ixq, ab'anan laa'at xawaj xk'eeb'al xsahil li waanm.

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Ezequiel 20:35

Texink'am sa' li chaqich'och', chi najt rik'in chixjunileb' li poyanam, ut aran too'aatinaq ut tinraqoq aatin sa' eeb'een, jo' naq kinraqok aatin sa' xb'eeneb' leena' leeyuwa' sa' li chaqich'och' sa' xteepal Ejiipt -chan li Qaawa'-.