Oseas 2:10 - Q'eqchi Bible

¹⁰ Ut anaqwan tinkanab' sa' xutaan chiruheb' li neke'rahink re, ut maajun chik taakoloq re sa' wuq'.

Li Santil hu

¹⁰ Chiruheb chixjunileb li cui̱nk li naxra, la̱in tinmakꞌ chiru li cꞌaꞌru cuan re. Chanchan tꞌustꞌu tincanab chiruheb ut ma̱ ani ta̱ru̱k ta̱colok re saꞌ cuukꞌ.

Oseas 2:10 ပူးပေါင်းရင်းမြစ်များ

Ezequiel 23:29

Eb' a'an q'axal tate'xtz'eqtaana wi' chik, te'xmaq' chawu jo'ch'inal jo'nimal li xaweechani rik'in xmuxb'al aawib', ut tik t'ust'u tate'xkanab'. Xutaanal tatkanaaq ut taak'utunq laatz'i'b'eetal b'aanuhom, xb'aan naq xwulak chawu li yumb'eetak ut xak'e aawib' chi muxe'k.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Oseas 2:3

Wi ink'a' tixkanab' xb'aanunkil, laa'in tinkanab' sa' xutaan ut chi t'ust'u, jo' naq kiyo'laak; jo' li chaqich'och' tkanaaq ut chi pojtz' ch'och', re naq taakamq xb'aan xmajelal li ha'.

Jeremías 13:26

Laa'in ajwi' tatinkanab' chi yak'yo re naq taak'utunq laaxutaan.

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Isaías 3:17

Ab'an laa'in tinjo li rismal li xjolomeb' li rixqilaleb' Sión ut xutaanal te'kanaaq”, chan li Qaawa'.

Proverbios 11:21

Ch'olch'o naq li ink'a' us xna'leb' tixtoj rix li xmaak; ab'an li tiikeb' xch'ool te'kole'q.

Salmos 50:22

“Chetawaq xyaalal laa'ex li nikineetz'eq chirix leech'ool: mare anchal texint'upi ut maajun taakoloq eere.

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

2 Crónicas 24:7

Xb'aan naq lix Atalía, li reemaaru aj ixq, ut eb' li ralal xk'ajol ke'xpo' li rochoch li Yos; ut ke'xxok ajwi' li k'a'aq re ru mayejanb'il sa' rochoch li Qaawa' ut ke'roksi cho'q reheb' laj Bahal.

Ezequiel 16:16

Rik'ineb' laab'aatal kayiib'atq muheb'aal uutz'u'ujinb'ileb' ru, sa' xb'eenatq li b'ool, re xmuxb'al aawib' aran.

Ezequiel 16:19

Li kaxlan wa ink'ehom aawe, li chaab'il k'aj, li xya'al kab' ut li aseeyt katinch'oolani wi', kayeechi'i reheb', cho'q aasununkil mayej -chan li Qaawa'-.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.

Oseas 13:1

Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.