Oseas 14:9 - Q'eqchi Bible

⁹ Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Li Santil hu

⁹ Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Oseas 14:9 ပူးပေါင်းရင်းမြစ်များ

Proverbios 10:29

Li Qaawa' naxkoleb' li neke'xb'aanu li us, ut naxsach ruheb' li ink'a' useb' xna'leb'.

Salmos 107:43

Wi wank junaq li wank xna'leb', chixk'uulahaq sa' xch'ool chixjunil a'in ut chixtawaq ru li xnimal xrahom li Qaawa'!

San Juan 8:47

Li ani nachalk rik'in li Yos narab'i li naxye li Yos; ut laa'ex ink'a' nekerab'i xb'aan naq moko rehex ta li Yos.

Daniel 12:10

Naab'aleb' li te'yale'q rix ut te'ch'ajob'resiiq xb'aan li Yos. Eb' li yib'ru xna'leb'eb' toj yooqeb' chi xb'aanunkil li maa'usilal, chi maajun taatawoq xyaalal; ab'anan li wankeb' xchoxahil na'leb' te'xtaw ru.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Jeremías 9:12

Ani tz'aqal wank xna'leb' chi xtawb'al ru a'in? Ani x'aatinaak xb'aan li Qaawa'? Xyehaq anaqwan. K'a'ut naq x'oso'k li qana'aj ut xkanaak jo' li chaqich'och', chi maajun chik nanume'k aran?

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

Isaías 26:7

Li xyu'am li tiik xch'ool a'an li tiikilal; laa'at, at Qaawa', nakattuqub'ank ru li xb'e.

Salmos 119:128

Nink'e inch'ool chirix laataqlahom, ut xik' nawil chixjunil li tik'ti'.

Salmos 119:75

At Qaawa', ch'olch'o chiwu naq nakatraqok aatin sa' tiikilal ut wank xyaalal naq nikinaarahob'tesi.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Romanos 7:12

Relik chi yaal naq li Chaq'rab' a'an sant; ut li qataqlankil xb'aan, sant ajwi', tiik ut us.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

San Juan 9:39

—Chi raqok aatin xinchalk sa' li ruuchich'och' a'in -chan li Jesus- re naq eb' li ink'a' neke'ilok che'iloq, ut eb' li neke'ilok che'mutz'irq.

San Lucas 7:23

Us xaq re li ink'a' taaluktaaq xch'ool inb'aan.

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

San Mateo 11:19

Xk'ulunk li K'ajolb'ej li nawa'ak na'uk'ak, ut neke'xye: «Wahi' jun li winq junes wa'ak, junes uk'ak naxb'aanu, ramiiweb' laj titz'ol toj ut eb' laj maak», chankeb'. Ab'anan xk'utunk xyaalalil ut li xchaab'ilal li choxahil na'leb' rik'ineb' li xb'aanuhom”.

Ezequiel 18:25

Ut wi laa'ex teeye: «Moko us ta naxb'aanu li Qaawa'», ab'ihomaq, ex aj Israel: Ma ink'a' us li ninb'aanu? Ma ink'a' tab'i' laa'ex li ink'a' us yookex xb'aanunkil?

Isaías 1:28

Ab'an eb' laj q'etoleb' aatin ut eb' laj maak te'xk'ul li raaxiik'; te'kamq chixjunileb' li neke'tz'eqtaanank re li Qaawa'.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Salmos 84:7

Naq toxe'nume'q sa' li Taq'a re li Yaab'ak, te'xsutq'isi li na'ajej cho'q yu'amha', ut li xtiklajik li hab'alq'e k'ajo'aq li rosob'tesihom sa' xb'een.

Salmos 84:5

Us xaq reheb' li neke'hilank sa' laawochoch ut neke'xnima aawu chi junelik.

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

Hechos 13:10

ut kixye re: —Ralalat laj tza, nujenaqat rik'in chixjunil li b'alaq'il na'leb' ut maa'usilal, xik' nakawil chixjunil li tiikilal! Jo'q'e taakanab' xpo'b'al li xtiikil b'e li Qaawa'?

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Proverbios 16:21

Li ani naxnaw k'oxlak, “wank xna'leb'” nayeemank re; li aatinak sa' q'unil nak'ojob'ank ch'oolej.

Isaías 17:8

Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Jeremías 29:12

Toja' naq teepatz' link'ab'a', tulextijoq chiwu, ut laa'in texwab'i.

Ezequiel 11:18

Naq te'sutq'iiq chaq, tole'risi chixjunileb' li jalanil yos ut ink'a' chik te'xb'aanu li tz'i'b'eetalil b'aanuhom.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.