Oseas 13:4 - Q'eqchi Bible

⁴ Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Li Santil hu

⁴ Li Ka̱cuaꞌ quixye: —La̱in li Ka̱cuaꞌ le̱ Dios li quin-isin chak e̱re Egipto. Ma̱cꞌaꞌ chic junak Dios chicuu la̱in chi moco cuan chic junak aj Colol e̱re. Caꞌaj cuiꞌ la̱in.

Oseas 13:4 ပူးပေါင်းရင်းမြစ်များ

Oseas 12:9

Laa'in li Qaawa' leeYos chalen chaq sa' leerelik Ejiipt: toj texink'e wi' chik chi wank sa'eb' li muheb'aal yiib'anb'il rik'in t'ikr, jo' junxil naq kexintaw chaq sa' li chaqich'och'.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

2 Reyes 18:35

K'a' chi yosil, sa' xyanq chixjunileb' li xyoseb' li tenamit, xkol ta li xtenamit sa' wuq' laa'in? Chan put ru naq li Qaawa' tixkol li tenamit Jerusalén sa' wuq'?»”.

Oseas 2:15

Aran tink'e chaq wi' chik li x'uub'; li xtaq'ahil Akor tkanaaq cho'q nimla sahilal, ut tinraatina wi' chik jo' chaq sa' li xsaajilal, jo' naq ki'elk chaq Ejiipt.

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.

Oseas 11:1

“Naq toj saaj chaq laj Israel, q'axal kinra, ut toj Ejiipt kinb'oq chaq li walal.

Oseas 12:10

Laa'in kin'aatinak rik'ineb' li propeet, k'iila sut kiwaatinaheb' sa' moy u, ut sa' jaljookil ru aatin kexwaatina chi xtz'uumal reheb' a'an.

Jonás 2:10

Toja' naq li Qaawa' kixtaqla li nimla kar chi xxa'wankil laj Jonás chi ch'och'el.