Oseas 13:2 - Q'eqchi Bible

² Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Li Santil hu

² Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Oseas 13:2 ပူးပေါင်းရင်းမြစ်များ

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Isaías 46:6

Wankeb' neke'isink naab'al li oor sa' li xjelooleb' ut neke'b'isok plaat sa' li peex; chirix chik a'an neke'xsik' junaq aj tenol ch'iich' re naq te'xyiib' junaq xyoseb' re xwiq'ib'ankil rib' chiru jo'wi' re xloq'oninkil.

1 Reyes 19:18

Ab'anan wuqub' mil chi aj Israel tinkanab'eb' chi yo'yo, jo'k'ihaleb' li ink'a' xe'wiq'laak chiru laj Bahal chi moko xe'xpatz' xk'ab'a' rik'in rutz'b'al ru”.

Jeremías 10:4

naruutz'u'uji ru rik'in oor ut plaat, naxt'oj chi klawx re naq ink'a' taa'eek'anq sa' xna'aj.

Romanos 11:4

Ut k'aru kisumeek wi' xb'aan li Yos? “Xinkanab' cho'q we wuqub' mil chi winq li ink'a' xe'xwiq'ib' rib' chiru laj Bahal”.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Oseas 11:6

Sa' li xtenamiteb' taawanq li yalok: te'sache'q eb' li kawub'resinb'il ochoch ut taajuk'iiq chixjunil xb'aan li maa'usilal neke'xk'uub'.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.

Oseas 8:6

Li wakax xeyiib' laa'ex aj Samaria, moko Yos ta; a'an yal xyiib'ahom laj tenol ch'iich', ut taaputz'iiq chi junwaakaj.

Oseas 8:4

“Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

Isaías 46:8

“Chijultiko'q eere a'in ut k'oxlahomaq rix; chiwanq eek'a'uxl, ex aj q'etol aatin.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

2 Crónicas 33:23

Ab'an ink'a' kiyot'e'k xch'ool ut kixkub'si li xwankil chiru li Qaawa', jo' kixb'aanu laj Manasés li xyuwa', q'axal wi' chik b'an kixb'aanu li maa'usilal.

2 Crónicas 28:13

ut ke'xye reheb': “Meeroksiheb' chaq arin laj preex a'in, xb'aan naq a'an tixteneb' jun chik li maak sa' qab'een chiru li Qaawa'. Li k'aru yookex laa'ex, a'an xk'eeb'al xkomon qamaak ut qaraaxiik'. Ak jwal nim li qamaak, ut li Qaawa' yo xjosq'il sa' xb'eeneb' laj Israel”.

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Oseas 4:17

Laj Efraín xkoho xch'ool chirixeb' li yal k'oxlanb'il yos: kanab'omaq chi xb'aanunkil!

Oseas 8:5

Laa'in nintz'eqtaana li wakax nakaloq'oni, a Samaria. Q'axal yo injosq'il sa' xb'een: jo'q'e put te'xch'ajob'resi rib'eb' laj Israel?

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Isaías 44:11

Chixjunileb' li neke'loq'onink reheb' xutaanal te'elq, xb'aan naq eb' laj yiib'ahom reheb' yal winqeb'. Wi te'xch'utub' rib' sa' raqleb'aal aatin, te'ok xxiw chixjunileb' ut te'kanaaq sa' xutaan.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.