Oseas 13:10 - Q'eqchi Bible

¹⁰ B'ar wank laa'awab'ej anaqwan re naq tatxkol sa' chixjunileb' laatenamit? B'ar wankeb' laj k'amol aab'e li kaye wi': «K'e in'awab'ej ut aj k'amoleb' inb'e»?

Li Santil hu

¹⁰ ¿Bar cuan le̱ rey anakcuan re texcol la̱ex ut le̱ tenamit? Ut, ¿bar cuanqueb laj rakol a̱tin li xetzꞌekta̱na nak queye nak queraj junak le̱ rey joꞌ ajcuiꞌ eb li teꞌtenkꞌa̱nk re chi takla̱nc saꞌ e̱be̱n?

Oseas 13:10 ပူးပေါင်းရင်းမြစ်များ

Oseas 8:4

“Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

Oseas 10:3

“Maak'a' qa'awab'ej -cha'qeb'- xb'aan naq ink'a' xqoxloq'i ru li Qaawa'. Ab'an k'a' tawi' ru tixb'aanu qe junaq awab'ej?”.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

Isaías 43:15

Laa'in li Qaawa', laa'in leeSant, li kiyoob'tesink re Israel, laa'in li nin'awab'ejink eere”.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Salmos 149:2

Chisaho'q sa' eech'ool chejunilex aj Israel: a'an laj yoob'tesihom eere. Sahoqex laa'ex ralal xk'ajol Sión, xb'aan naq a'an leeRey!

Salmos 89:18

Xb'aan naq laa'at li xloq'al ut li xkawilaleb'; sa' xk'ab'a' laawusilal naqataqsi li qilob'aal.

Salmos 74:12

Chalen chaq sa' xtiklajik laa'at laj Eechal qe, at Qaawa', ut k'iila sut xoohaak'e chi q'axok u.

Salmos 44:4

Ch'olch'o naq moko rik'in ta yalok u xe'reechani li na'ajej, chi moko rik'in li xnimal xwankileb' xe'q'axok u, sa' xk'ab'a' b'an laawankil, rik'in laanim uq' ut li xlemtz'unkil xnaq' aawu, xb'aan naq k'ajo' xaraheb' chaq.

Salmos 10:16

Li Qaawa' a'an awab'ej chi junelik; eb' li maak'a'eb' xpaab'aal te'isiiq sa' xna'ajeb' chi junwaakaj.

2 Reyes 17:4

Ab'an li awab'ej re Asiria koxnaw naq laj Oseas yo chi xb'alaq'inkil: naxtaqlaheb' li xtaql rik'in laj So, awab'ej re Ejiipt, ut ink'a' chik naxk'e xtoj re kama' chaq xb'enwa. Jo'kan naq li awab'ej re Asiria kixtaqla xchapb'al laj Oseas ut kixtz'ap sa' tz'alam.

1 Reyes 12:20

Naq chixjunileb' laj Israel ke'xnaw naq laj Jerobohán kisutq'iik chaq, ke'xtaqla xb'oqb'al sa' jun ch'utam ut ke'xxaqab' cho'q awab'ej sa' xb'eeneb' chixjunileb' laj Israel; maajun kixk'e xch'ool chi xtaaqenkileb' li xjunkab'al laj David, ka'aj chik li xteepaleb' aj Judá.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Oseas 7:7

Chixjunileb' nachalk xjosq'ileb' jo' li tiqwal xam, ut neke'xkamsi li xjolomileb'. Kamenaqeb' chik chixjunileb' li x'awab'ejeb', ab'anan maajun naxyaab'a link'ab'a'.

1 Samuel 8:7

ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.

Lamentaciones 4:20

Xe'xchap li na'awab'ejink qe, li k'ojk'o wi' qach'ool, li sik'b'il ru xb'aan li Yos. Sa' qach'ool laa'o naq rub'el xwankil toomuhenq sa' xyanqeb' li tenamit.