Oseas 12:8 - Q'eqchi Bible

⁸ Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».

Li Santil hu

⁸ Eb li ralal xcꞌajol laj Efraín nequeꞌxye: —Chi ya̱l nak xobiomoꞌ. Xkatau kabiomal chokꞌ ke. Ma̱ ani ta̱yehok ke nak incꞌaꞌ us xkaba̱nu. Ma̱ ani ta̱yehok ke nak ma̱c xkaba̱nu riqꞌuin li kacꞌanjel, chanqueb.

Oseas 12:8 ပူးပေါင်းရင်းမြစ်များ

Apocalipsis 3:17

B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

1 Timoteo 6:5

ut k'iila wech'ink: eb' li neke'b'aanunk re a'in, a'aneb' li po'jenaqeb' xk'a'uxl, ut maak'a' li yaal rik'ineb'; neke'xk'oxla naq rik'in li paab'ank te'xtaw xtumineb'.

Zacarías 11:5

Eb' li neke'loq'ok reheb' neke'xkamsiheb' ut neke'xk'oxla naq maak'a'eb' xmaak; ut eb' li neke'k'ayink reheb' neke'xye: «B'anyox re li Qaawa', xinb'ihomo'k!», chankeb'. Chi moko eb' laj ilol reheb' neke'ril xtoq'ob'aal ruheb' li karneer.

Proverbios 30:20

Li ixq li naxmux li xsumlajik, nawank rik'in jalanil winq, na'atink ut naxye: “Maak'a' maak xinb'aanu”, chan.

Proverbios 30:12

Wankeb' li neke'xye naq maak'a'eb' xmaak, ab'an nujenaqeb' chi maa'usilal.

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

Salmos 49:6

K'a'ut naq tinxiwaq sa' xq'ehil li rahilal, naq sutsuuqin xb'aaneb' li ink'a' useb' xna'leb',

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

San Lucas 16:13

“Maajun moosej naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin”.

San Lucas 12:19

Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

San Lucas 10:29

Laj nahol Chaq'rab' kiraj xch'olob'ankil xyaalal li xpatz'om, jo'kan naq kixye re li Jesus: —Ani li was wiitz'in?

Malaquías 3:13

Li Qaawa' kixye chi jo'ka'in: “Jwal ra nanaqk wi' li aatin nekeye we. Ut toj nekeye: «K'aru li aatin xqarahob'tesi wi' laach'ool?», chankex.

Habacuc 1:16

Jo'kan naq laj kar taamayejaq chiru li xyooy ut tixk'at li pom chiru li xluch b'aq, xb'aan naq sa' xk'ab'a' a'an wank xwa ruk'a' chi chaab'il ut chi numtajenaq.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

Jeremías 2:35

Ut chi maak'a' aaxutaan nakaye: «Maak'a' inmaak; moko yo ta chik xjosq'il li Qaawa' wik'in». Us b'i', wankin arin re raqok aatin sa' aab'een li nakaye naq maak'a' aamaak.

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.

Ezequiel 28:5

Sa' xk'ab'a' naq wank aana'leb' chi yakok xatamresi laab'ihomal, ut xb'aan xnimal laab'ihomal xanimob'resi aawib'.

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Proverbios 11:1

Li Qaawa' naxtz'eqtaana li b'alaq'il peex, ut naxk'ul xch'ool li nab'isok chi tz'aqal.

Jeremías 5:27

Chanchan naq nujenaq chi xik'anel xul li xra'aleb', jo'kan naq li rochocheb' nujenaq chi k'a'aq ru elq'anb'il; xe'ninqank xwankil ut xe'b'ihomo'k,

Amós 8:5

Laa'ex nekeye: “Jo'q'e taaraqe'q xninq'ehinkil li ak' po re tooruuq xk'ayinkil li triiw? Jo'q'e taanume'q li hilaal kutan re xk'ayinkil li ixim chi terto xtz'aq, ut tqak'os xb'isul li b'isleb'?