Oseas 12:3 - Q'eqchi Bible

³ Naq toj maji' nayo'laak, laj Jakob kixmaq' li xb'een alalb'ejil chiru li ras; ut naq winq chik, kiyalok rik'in li Qaawa' Yos.

Li Santil hu

³ Toj ma̱jiꞌ ajcuiꞌ nequeꞌyoꞌla laj Jacob li kaxeꞌto̱nil yucuaꞌ ut laj Esaú, ac yo̱queb chixpletinquil ribeb. Chapcho lix cux rok laj Esaú xban laj Jacob nak queꞌyoꞌla. Ut mokon nak nim chic, laj Jacob quipletic riqꞌuin lix ángel li Ka̱cuaꞌ.

Oseas 12:3 ပူးပေါင်းရင်းမြစ်များ

Génesis 25:26

Moqon kiyo'laak li riitz'in, chapcho li xkux roq laj Esaú xb'aan, ut aj Jakob ke'xk'e cho'q xk'ab'a'. Oxk'aal (60) chihab' wank re laj Isahak naq ke'yo'laak eb' a'an.

Romanos 9:11

Us b'i', k'ehomaq reetal: re naq xaqxooq xwankil li xnimal xk'a'uxl li Yos li nasik'ok u moko sa' xk'ab'a' ta li xb'aanuhomeb' li winq, sa' xk'ab'a' b'an naq A'an nab'oqok, rub'elaj chaq li xyo'lajikeb' li wiib' chi k'uula'al naq toj maji' xb'aanuhomeb' junaq li us malaj junaq li ink'a' us,

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

2 Reyes 17:23

Toja' naq li Qaawa' kixtz'eqtaanaheb' laj Israel, jo' yeeb'il chaq chi xtz'uumal reheb' li propeet aj k'anjeleb' chiru: eb' laj Israel ke'isiik sa' li xna'ajeb' ut ke'k'ame'k sa' li tenamit Asiria chalen toj anaqwan.

Jeremías 2:9

Jo'kan naq toj yooqin chi jitok cherix laa'ex ut chirixeb' leeri leemam -chan li Qaawa'-.

Ezequiel 7:3

Xwulak xhonalil laasachik, a Israel. Ok we chi risinkil linjosq'il sa' aab'een; tinraqoq aatin chirix laayehom laab'aanuhom ut taatoj rix laatz'i'b'eetalil na'leb'.

Ezequiel 7:8

Tikto twisi linjosq'il sa' aab'een, toj reetal taak'ojlaaq linch'ool; tinraq aatin sa' xb'een laamaa'usilal ut tatink'e chi xtojb'al rix chixjunil laajo'maajo'il b'aanuhom.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Oseas 4:9

Ab'an juntaq'eet te'xk'ul laj tij rik'ineb' li tenamit: tink'eheb' chi xtojb'al li xmaakeb' ut teb'inq'ajkamu jo' chanru li xyehom ut xb'aanuhomeb'.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Miqueas 6:2

Ab'ihomaq, ex tzuultaq'a ut laa'ex li rub'elankil li ruuchich'och': li Qaawa' ok re sa' raqb'a aatin rik'in li xtenamit, ok re chi jitok chirix laj Israel.