Oseas 11:3 - Q'eqchi Bible

³ Laa'in kinch'ilo chi ruq' laj Efraín ut kink'ut li b'eek chiru; ab'an ink'a' ke'xtaw ru naq laa'in nin'ilok reheb'.

Li Santil hu

³ La̱in xincꞌutuc be̱c chiruheb li ralal xcꞌajol laj Efraín. Chanchan nak xinchꞌiloheb nak xincꞌut lix ya̱lal chiruheb. Ut incꞌaꞌ xeꞌxqꞌue retal nak la̱in nin-iloc reheb.

Oseas 11:3 ပူးပေါင်းရင်းမြစ်များ

Jeremías 30:17

Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

Deuteronomio 1:31

jo'wi' sa' li chaqich'och'. Laa'ex eerilom chaq naq li Qaawa' leeYos kexb'eres chaq chiru chixjunil leeb'eenik toj kexk'ulunk sa' li na'ajej a'in, kama' naxb'aanu junaq yuwa'b'ej naq naxq'alu li ralal», chankin eere.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Oseas 7:15

Naq xink'e xkawilaleb' li roq ruq'eb', a' chik li rahilal xe'xk'uub' xb'aanunkil we.

Hechos 13:18

Ut chiru tana ka'k'aal chihab' kixkuy rilb'aleb' sa' li chaqich'och'.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Éxodo 23:25

Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Isaías 1:2

Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Éxodo 19:4

«Ak eerilom chaq k'aru xinb'aanu reheb' laj Ejiipt ut chanru naq xexink'am chaq wik'in jo' sa' xb'een xxik' li nimla t'iw.

Salmos 107:20

Kixtaqla chaq li raatin ut kixk'irtasiheb', kirisiheb' sa' xjulel li kamk.

Deuteronomio 33:27

Li najteril Yos a'an li namuheelank aawe; laa'at wankat junelik rub'el li xkupuhom. A'an na'aanilasink reheb' chawu li xik' neke'ilok aawe, ut naxye aawe: «Sacheb' ru».