Oseas 10:8 - Q'eqchi Bible

⁸ Te'sachmanq eb' li tijob'aal wankeb' chi tzuul b'arwi' neke'maakob'k eb' laj Israel; k'im ut k'ix taak'iiq sa' xb'eeneb' li artal. Toja' naq te'xye reheb' li tzuul: “Chooheemuq”; ut reheb' li b'ool: “Chex'uq'e'q sa' qab'een”, cha'qeb'.

Li Santil hu

⁸ Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.

Oseas 10:8 ပူးပေါင်းရင်းမြစ်များ

San Lucas 23:30

Toja' naq eb' li tenamit te'xtikib' xyeeb'al reheb' li tzuul: «T'anenqex chaq sa' qab'een»; ut reheb' li ninqi b'ool: «Chooheemuqaq!».

Apocalipsis 6:16

ut ke'xye reheb' li tzuul ut reheb' li saqoonak: “T'anenqex chaq sa' qab'een ut muqumaqo chiru li k'ojk'o sa' li xnimajwal k'ojarib'aal ut chiru li xjosq'il li Karneer!

Isaías 2:19

Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Oseas 9:6

Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

Amós 8:14

Eb' li neke'xye xjurament sa' xk'ab'a' li xyoseb' laj Samaria, eb' li neke'yehok: «Sa' xk'ab'a' laayos, a Dan», malaj: «Sa' xk'ab'a' laayos, a Berseba», te'oso'q ut maajun wa chik te'wakliiq chaq”.

Isaías 32:13

Junes k'ix ut pajl aj chik taak'iiq sa' lintenamit; jo'kanaq ajwi' sa' chixjunileb' li ochoch neke'ninq'ehik wi' lintenamit chi saheb' sa' xch'ool.

Apocalipsis 9:6

Sa'eb' li kutan a'an eb' li winq te'xsik' xkamikeb' ut ink'a' te'xtaw; te'rataw kamk, ab'an li kamk taa'eleliq chiruheb'.

Miqueas 1:13

B'ak'omaq leekawaay chiruheb' li b'eleb'aal ch'iich', ex aj Lakix. Aran xtiklaak li xmaakeb' laj Sión, aran xe'ok chi maakob'k eb' laj Israel.

Miqueas 1:5

Chixjunil a'in taak'ulmanq xb'aan naq eb' laj Jakob xe'xq'etq'eti rib' chiru li Yos, xb'aan naq xe'maakob'k eb' laj Israel. B'ar wank li xxe' li xq'etq'etil eb' laj Jakob? Ma ink'a' tab'i' sa' li tenamit Samaria? Ani wank re naq eb' laj Judá xe'ok chi xloq'oninkil eb' li jalanil yos? Ma ink'a' tab'i' sa' li tenamit Jerusalén?

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Oseas 4:13

Neke'xik chi mayejak sa' xjolomeb' li tzuul ut sa' xb'eeneb' li b'ool neke'k'atok k'ajpom; jo'kan ajwi' neke'xb'aanu rub'eleb' li xninqal che', xb'aan naq sa neke'hilank rub'el li xmuheb' a'an. Eb' leerab'in neke'yumb'eetak ut eb' leeralib' neke'xmux li xsumlajikeb'.

Isaías 34:13

Pajl taak'iiq sa'eb' li xchaq'alil ru ochoch re Edom; warak'ix ut k'aamla te'yo'laaq sa'eb' li kawub'resinb'il ochoch. A'anaq chik xna'ajeb' laj xojb' ut rochocheb' laj tak' ra'.

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

2 Reyes 23:15

Kixjuk' ajwi' li artal wank Betel ut li tijob'aal li wank chi tzuul, xyiib'ahom laj Jerobohán, ralal laj Nebat, naq kixk'ameb' xb'eheb' laj Israel chi maakob'k. Kixk'at li tijob'aal, kixpuk'iheb' li pek toj reetal kixkanab' jo' pojtz', ut kixk'at li xjalam u lix Aserá.

1 Reyes 14:16

Ut tixq'axtesiheb' laj Israel sa' ruq'eb' laj jalan tenamit, xb'aan li xmaak laj Jerobohán, naq kimaakob'k a'an ut kixk'eheb' chi maakob'k eb' laj Israel”.

1 Reyes 13:34

Li yib' aj b'aanuhom a'in kik'amok re laj Jerobohán chi maakob'k jo' ajwi' eb' li ralal xk'ajol. A'an ajwi' xyaalal naq kisache'k li xjunkab'al chi junajwa sa' xb'een li ruuchich'och'.

1 Reyes 13:2

Ut ki'aatinak chirix li artal chi kaw xyaab' xkux, jo' kiyehe'k re xb'aan li Qaawa': “At artal, at artal, jo'ka'in xye li Qaawa': «Sa' xyanqeb' li ralal xk'ajol laj David taayo'laaq jun k'uula'al, aj Josías xk'ab'a'. A'an tixmayeja sa' aab'een eb' laj tij li wankeb' sa'eb' li tijob'aal sa' xjolomeb' li tzuul, a'eb' li neke'k'atok pom sa' aab'een. Taak'atoq chik xb'aqeleb' kamenaq poyanam sa' aab'een»”.

Deuteronomio 9:21

Chirix chik a'an kinchap li saaj wakax keyiib' naq kexmaakob'k, ut kink'at sa' xam; kinputz'i ut kinke' toj reetal kipojtz'o'k. Toja' naq kinkut li xpojtz'il sa' roq nima' li nakub'e chaq sa' li tzuul.

Génesis 3:8

Chirix chik a'an ke'rab'i xyaab' roq li Qaawa' Yos yo chi b'eek ewu sa' li awimq, sa' xhonal naq namayusink li iq'. Li winq ut li rixaqil ke'xmuq rib' chiru li Qaawa' Yos sa' xyanqeb' li che', sa' xna'aj li awimq.

Oseas 2:6

“Jo'kan naq laa'in tintz'ap li xb'e rik'in k'ix, tinram chi tz'ak li xb'e re naq maab'ar chik taanume'q.

Oseas 10:9

“Chalen chaq Kibehá yookeb' chi maakob'k eb' laj Israel; tik ink'a' neke'xkanab' xb'aanunkil. Jo'kan naq eb' a maa'us aj winq a'in te'oso'q aran Kibehá.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Nahum 3:11

Chanchan tatkalaaq naq te'xsach aana'leb'; laa'at taamuq aawib' ut taayal xsik'b'al b'ar taakol aawib' chiruheb' li xik' neke'ilok aawe.

Isaías 2:21

Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Oseas 8:5

Laa'in nintz'eqtaana li wakax nakaloq'oni, a Samaria. Q'axal yo injosq'il sa' xb'een: jo'q'e put te'xch'ajob'resi rib'eb' laj Israel?

Amós 1:5

Tinjuk' li rokeb'aal Damaask; tinsach ruheb' laj Bikat-Abén jo' ajwi' li na'awab'ejink re Bet-Edén; ut eb' laj Aram te'k'ame'q chi preexil toj Kir”, chan li Qaawa'.

Amós 3:14

Sa' li kutan naq teb'ink'e laj Israel chi xtojb'al rix li xmaakeb', tinsacheb' li artal re Betel; tinjor eb' li xxukub' li artal ut teb'inkut chi ch'och'el.