Oseas 10:6 - Q'eqchi Bible

⁶ Li wakax oor taak'ame'q ajwi' aran Asiria, jo' xsimaatan li xnimal ru awab'ej. Chi jo'kan eb' laj Efraín te'kaqo'q xb'aaneb' xxutaan ut eb' laj Israel te'xutaanaq chi rilb'al li xyoseb'.

Li Santil hu

⁶ Li cuacax oro ta̱cꞌamekꞌ Asiria ut ta̱qꞌuehekꞌ chokꞌ xma̱tan li rey Jareb. Eb li ralal xcꞌajol laj Efraín teꞌcꞌutekꞌ xxuta̱n. Xuta̱nal teꞌe̱lk chixjunileb laj Israel xban nak queꞌxqꞌue ribeb chi balakꞌi̱c.

Oseas 10:6 ပူးပေါင်းရင်းမြစ်များ

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Isaías 30:3

Ab'an li xkawilal leech'ool rik'in laj Parahón taak'ehoq eere sa' xutaan ut li xtenq'aaleb' laj Ejiipt taasachoq leech'ool.

Daniel 11:8

Tixk'am Ejiipt eb' li xyos, eb' li xjalam u ut li k'a'aq re ru yiib'anb'il rik'in oor ut plaat, ut ink'a' najt te'wanq sa' tuqtuukil usilal.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Oseas 8:6

Li wakax xeyiib' laa'ex aj Samaria, moko Yos ta; a'an yal xyiib'ahom laj tenol ch'iich', ut taaputz'iiq chi junwaakaj.

Oseas 4:19

K'amb'ilaqeb' yalaq b'ar xb'aan li iq' naq te'oso'q, ut q'axal te'xutaanaq xb'aan naq xe'xmux li xpaab'aaleb'.

Oseas 4:7

“Naq k'ajo' xk'ihaleb' laj tij, k'ajo' chik xe'maakob'k; ut laa'in twisi xloq'aleb' ut tink'ut xxutaaneb'.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Jeremías 48:13

Toja' naq Mohab taaxutaanaq xb'aan laj Kemós, li xyos, jo' naq ke'xutaanak eb' laj Israel xb'aan Betel, li q'axal ke'xkawu wi' xch'ooleb'.

Isaías 45:16

Sachsooqeb' xch'ool te'kanaaq laj yiib'ahom jalanil yos, te'kub'siiq xwankil ut te'se'eeq.

Isaías 1:29

Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

Li xHu LAJ JOB 18:7

Ink'a' chik taab'eeq chi q'axal kaw, ut a' ajwi' li kixk'uub' taat'ane'q wi'.

2 Reyes 17:3

Laj Salmanasar, awab'ej re Asiria, koho chi yalok rik'in laj Oseas, ut a'in kikanaak rub'el xwankil laj Salmanasar ut ki'ok chi xk'eeb'al xtoj re.

Ezequiel 16:28

Chi moko rik'in chixjunil a'an kik'ojlaak laach'ool! Katmaakob'k aj b'an wi' rik'ineb' laj Asiria ut ink'a' ajwi' kik'ojlaak laawaanm.