Oseas 10:4 - Q'eqchi Bible

⁴ Yal junes aatin li neke'xye, b'alaq'il jurament neke'xb'aanu ut maak'a' aj e naq neke'xk'e rib' sa' aatin. Li raqok aatin neke'xb'aanu chanchan li kaqipim nak'iik sa' li awimq.

Li Santil hu

⁴ Ma̱cꞌaꞌ rajbal li cꞌaꞌru nequeꞌxye nak nequeꞌxba̱nu li contrato xban nak incꞌaꞌ nequeꞌxba̱nu li cꞌaꞌru nequeꞌxye. Incꞌaꞌ nequeꞌrakoc a̱tin saꞌ xya̱lal. Li ma̱usilal li nequeꞌxba̱nu nak nequeꞌrakoc a̱tin, chanchan li yibru pim nak naqꞌuian saꞌ xya̱nkeb li acui̱mk.

Oseas 10:4 ပူးပေါင်းရင်းမြစ်များ

Amós 6:12

Ma neke'taqe'k eb' li kawaay chiru li saqoonak? Ma naru tab'i' xpikb'al li palaw rik'in li b'ooyx? Ab'an laa'ex xepo' ru li tiikilal ut rahilal chik xekanab' wi' li k'ulub'ej.

Amós 5:7

Ra chaalel sa' eeb'een laa'ex li nekepo' ru li tiikilal ut nekesach xwankil li k'ulub'ej.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

2 Timoteo 3:3

Ink'a' chik te'xrahatq rib', maak'a'aq chik usilal rik'ineb', aj yoob'anelaqeb' aatin, ink'a' te'xkuy rib', q'axal josq'aqeb', xik' te'ril li chaab'ilal,

Romanos 1:31

maak'a'eb' xna'leb', eet aj winqeb', maak'a' xchaab'ilaleb', maak'a' uxtaanank rik'ineb'.

Hechos 8:23

Yookin chi rilb'al naq q'axal ra wankat ut b'ak'b'ookat sa' laamaa'usilal.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.