Oseas 1:7 - Q'eqchi Bible

⁷ Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Li Santil hu

⁷ Abanan eb li ralal xcꞌajol laj Judá tincuil xtokꞌoba̱l ruheb. La̱in li Ka̱cuaꞌ lix Dioseb. La̱in tincolok reheb. Incꞌaꞌ tebincol riqꞌuin tzimaj, chi moco riqꞌuin chꞌi̱chꞌ, chi moco riqꞌuin pletic, chi moco riqꞌuineb cui̱nk li nequeꞌchal chirix cacua̱y chi pletic, chan li Ka̱cuaꞌ.

Oseas 1:7 ပူးပေါင်းရင်းမြစ်များ

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

2 Reyes 19:35

Ut chiru ajwi' li q'oqyink a'an li x'ánjel li Qaawa' kiwulak sa' xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Salmos 33:16

Moko nakole'k ta li awab'ej xb'aan naq numtajenaqeb' laj puub', chi moko taakole'q li kaw rib' xb'aan xnimal li xmetz'ew.

1 Samuel 17:47

Ut chixjunileb' li ch'utch'uukeb' arin te'xnaw naq li Qaawa' ink'a' nakolok rik'in ch'iich' chi moko rik'in jutz' che': li Qaawa' a'an laj eechal re li yalok a'in, ut A'an taaq'axtesinq eere sa' quq' laa'o”.

2 Reyes 19:29

“A'an a'in li eetalil cho'q aawe, reetalil li k'aru taak'ulmanq. Chiru li chihab' a'in teetzeka ru li awimq teetaw chi ink'a' awb'il. Chiru li jun chik teetzeka li namoqk xjunes; ut sa' rox li chihab' tex'awq ut texq'oloq, tex'awoq uub' ut teek'ux li ru.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Jeremías 25:5

«Kanab'omaq xb'aanunkil li maa'usilal ut li ink'a' us -chankeb'-. Chi jo'kan sa texwanq sa' li na'ajej xk'ehom eere chi junajwa li Qaawa' ut cho'q reheb' leexe'toonil yuwa'.

Jeremías 25:6

Mixik eech'ool chirixeb' li jalanil yos, meeloq'oni chik chi moko chexk'anjelaq chiruheb'; meechiq' xjosq'il li Qaawa' rik'in li xyiib'ahom leeruq', chi jo'kan maajun rahilal tixb'aanu eere», chankeb'.

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

Oseas 1:8

Naq ak xmaq'e'k xtu' li «Ink'a' uxtaananb'il ru», lix Gómer kiwank jun chik xk'uula'al teelom.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Éxodo 14:30

Sa' li kutan a'an li Qaawa' kixkoleb' laj Israel sa' ruq'eb' laj Ejiipt, ut eb' laj Israel ke'rileb' laj Ejiipt chi kamenaqeb' chik chire li palaw.

2 Reyes 6:18

Naq eb' laj Aram ke'kub'e chaq chi xchapb'al raj laj Eliseo, a'in kitijok chiru li Qaawa', ut kixye chi kama'in: “At Qaawa', mutz'o'b'resiheb' li poyanam a'in”. Ut relik chi yaal naq li Qaawa' kixmutz'o'b'resiheb' li poyanam, jo' kixpatz' laj Eliseo.

2 Reyes 19:34

Laa'in tinkoloq re li tenamit a'in, re naq ink'a' taasache'q, sa' xk'ab'a' linloq'al ut xb'aan xraab'al laj David laj k'anjel chiwu»”.

Salmos 44:7

Moko rik'in ta xna' linsimaj xintaw xkawub' linch'ool, chi moko linch'iich' xk'ehok we chi xq'axb'aleb' ru,