Oseas 1:4 - Q'eqchi Bible

⁴ Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.

Li Santil hu

⁴ Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.

Oseas 1:4 ပူးပေါင်းရင်းမြစ်များ

Oseas 1:9

Toja' naq li Qaawa' kixye re laj Oseas: “K'e cho'q xk'ab'a' «Maawa' intenamit», xb'aan naq maawa'ex chik lintenamit, chi moko laa'in chik leeYos”.

Oseas 1:6

Lix Gómer kikanaak wi' chik sa' yu'am ut kiyo'laak jun xch'ina ixqa'al. Ut li Qaawa' kixye re laj Oseas: “«Ink'a' uxtaananb'il ru» taak'e cho'q xk'ab'a', xb'aan naq ink'a' chik twuxtaana ru eb' laj Israel, ut xeb'intz'eq chirix inch'ool.

Ezequiel 23:31

Xatzol aawib' rik'in laachaq'na'; jo'kan naq taatoj rix laamaak jo' naq kixtoj rix li xmaak a'an.

Ezequiel 23:10

Eb' a'an ke'xt'usub', ke'xmaq' li ralal xk'ajol ut ke'xkamsiheb' chi ch'iich'. Ut kinawmank resil li ixq a'an, xb'aan naq kiraqmank aatin sa' xb'een.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Jeremías 3:8

kixk'e reetal naq kintz'eqtaana laj Israel, laj q'etol aatin, ut kinjach wib' rik'in, xb'aan chixjunil li maa'usilal kixb'aanu. Ab'an laj Judá, laj b'alaq', ink'a' kixutaanak ut ki'ok ajwi' a'an chi xb'aanunkil li maa'usilal.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

2 Reyes 15:29

Naq wank laj Pékaj cho'q awab'ej re Israel, laj Tiklat-Piléser, awab'ej re Asiria, kiyalok rik'ineb' laj Israel ut kixchapeb' li tenamit Iyón, Abel-Bet-Mahaká, Yanóhaj, Kadés, Jasor, Galahad, Galilea ut chixjunil li xteepal Efraín, ut kixk'ameb' chixjunil li xpoyanamileb' toj Asiria.

2 Reyes 10:17

Naq kiwulak Samaria, kixkamsiheb' chixjunileb' li ralal xk'ajol laj Ajab, li jo'k'ihal chik ink'a' ke'kamsiik sa' li tenamit Samaria, toj reetal ke'oso'k chi junajwa, jo' kixye li Qaawa' chi xtz'uumal re laj Elías.

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

San Lucas 1:63

A'an kixpatz' jun ch'ina tz'alamche' ut kixtz'iib'a: “Aj Jwan li xk'ab'a'”. Ut chixjunileb' ke'sachk xch'ool.

San Lucas 1:31

Tatkanaaq sa' yu'am ut taawanq jun aak'uula'al, Jesus taak'e cho'q xk'ab'a'.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.

Oseas 9:17

Li tenamit a'in ink'a' xe'paab'ank chiru li Qaawa'; jo'kan naq te'tz'eqtaanaaq xb'aan linYos ut yal te'xb'eeni aj chik rib' sa'atqeb' li jalanil tenamit.

Oseas 2:22

chiru li ch'och' taa'elq chaq li triiw, li b'iin ut li chaab'il aseeyt, ut chi jo'kan k'ajo' naq taa'uuchinq li xtaq'ahil Jisrehel.

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

2 Reyes 15:8

Ak waqxaqlaju xka'k'aal chihab' rokik laj Asarías cho'q awab'ej re Judá, kixtikib' awab'ejink laj Sakarías, ralal laj Jerobohán, sa' xb'eeneb' laj Israel aran Samaria, ut kitaqlank chiru waqib' po.

Jeremías 20:3

Sa' li kutan jun chik laj Pasjur kirisi laj Jeremías sa' li nat'che' ut laj Jeremías kixye re: “Li Qaawa' xjal laak'ab'a', Magor-Misabib chik taak'ab'a'in.

Josué 19:18

Li xch'och'eb' nawulak toj Jisrehel ut nokoxtaw Kesulot ut Sunén;

2 Reyes 10:1

Lajeeb' xkaak'aaleb' li ralal xk'ajol laj Ajab wankeb' sa' li tenamit Samaria. Jo'kan naq laj Jehú kitz'iib'ank hu ut kixtaqla rik'inatqeb' li xjolomileb' li tenamit, rik'ineb' li cheekel winq ut rik'ineb' ajwi' li neke'ilok reheb' li ralal xk'ajol laj Ajab, aran Samaria; ut kixye reheb':

Isaías 8:3

Moqon kinwak rik'in li wixaqil, propeet ajwi', ut a'an kikanaak sa' yu'am ut kiwank jun xk'uula'al. Toja' naq li Qaawa' kixye we: “K'e cho'q xk'ab'a': Maher-Salal-Jas-Bas,

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.