Oseas 1:2 - Q'eqchi Bible

² Jo'ka'in naq kixtikib' aatinak li Qaawa' chi xtz'uumal re laj Oseas. Li Qaawa' kixye re laj Oseas: “Ayu ut sumlan rik'in junaq ixq aj yumb'eet, ut chiwanq leeralal eek'ajol, xb'aan naq li tenamit xe'po'k xna'leb' chi junajwa, ut tik xe'najto'k wik'in, jo'keb' laj yumb'eet”.

Li Santil hu

² Nak li Ka̱cuaꞌ quixtiquib a̱tinac riqꞌuin laj Oseas, quixye chi joꞌcaꞌin: —Sumlan riqꞌuin junak ixk aj yumbe̱t. Ut le̱ cocꞌal li teꞌcua̱nk juntakꞌe̱tak xnaꞌlebeb riqꞌuin lix naꞌeb. Ta̱ba̱nu aꞌan re xcꞌutbal chiruheb lin tenamit nak incꞌaꞌ useb lix naꞌlebeb. Chanchaneb li ixk aꞌin li yo̱ chi yumbe̱tac xban nak xineꞌxtzꞌekta̱na, chan li Ka̱cuaꞌ.

Oseas 1:2 ပူးပေါင်းရင်းမြစ်များ

Oseas 3:1

Li Qaawa' kixye wi' chik we: “Ayu wi' chik ut chara jun li ixq aj muxul sumlaak, jalan chik winq naxra. Jo'ka'in naq li Qaawa' naxraheb' laj Israel, us ta eb' a'in neke'xik chirixeb' li jalanil yos ut neke'xtzeka li k'uluj yiib'anb'il rik'in chaqi uub', li mayejanb'il chiruheb' li xyoseb'”.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Jeremías 3:9

Maak'a' xxutaan chi xmuxb'al rib'; ut kixtz'ajni ru chixjunil li tenamit naq ki'ok chi xloq'oninkil ru li yos yiib'anb'il rik'in pek ut che'.

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Apocalipsis 17:5

ut tz'iib'anb'il chi xpeekem jun k'ab'a'ej muqmu xyaalal: “Babilonia, li Nimla Tenamit, li xna'eb' laj yumb'eet ut xna' ajwi' chixjunil li tz'i'b'eetalil aj na'leb' li wank sa' ruuchich'och'”.

2 Pedro 2:14

Ka'aj chik maa neke'xtiw eb' li ixq rik'in xsa' ruheb', tik ink'a' nak'ojlaak xch'ooleb' chi maakob'k; neke'xq'unb'esi li q'uneb' xch'ool, ak k'aynaqeb' chi xrahinkil ru li b'ihomal, maa'usilanb'ileb' chi junajwa!

Ezequiel 6:9

Eb' li te'kole'q tinjultiko'q reheb' sa'eb' li tenamit xe'k'ame'k wi'. Te'jultiko'q reheb' chanru naq xinrahob'tesiheb' xb'aan naq xe'xmux li xpaab'aaleb' ut xkoheb' xch'ool chirixeb' li jalanil yos. Eb' a'an te'xyib' rib' xb'aan li k'iila maa'usilal xe'xb'aanu jo'wi' xb'aan li jo'maajo'il b'aanuhem.

Oseas 5:3

Laa'in ninnaw ru laj Efraín; nawno ru laj Israel inb'aan. Relik chi yaal naq laj Efraín chanchan junaq aj yumb'eet, ut laj Israel xmuxum rib' sa' li xpaab'aal”.

San Marcos 1:1

Xtiklajik li xChaab'il Esil li Jesus, li Kriist, Ralal li Yos.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Salmos 73:27

Eb' li neke'najto'k aawik'in, te'oso'q; laa'at tatsachoq ruheb' li neke'xmux laarahom.

2 Crónicas 21:13

xataaqe b'an li xb'eheb' li awab'ej re Israel ut xak'eheb' laj Judá ut eb' laj Jerusalén chi xtz'eqtaanankil li Qaawa' jo' ke'xb'aanu eb' laj Ajab. Xakamsiheb' ajwi' laawiitz'in, tz'aqal ralaleb' laayuwa', li jwal chaab'ileb' xch'ool chawu laa'at.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

Oseas 2:7

Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq.