Oseas 1:1 - Q'eqchi Bible

¹ A'an a'in li aatin kixye li Qaawa' re laj Oseas, ralal laj Beherí, naq laj Osías, laj Jotán, laj Ajás ut laj Esekías ke'awab'ejink sa' xb'eeneb' laj Judá, ut laj Jerobohán, ralal laj Johás, kiwank cho'q awab'ej re Israel.

Li Santil hu

¹ Li tzꞌi̱banbil saꞌ li hu aꞌin, aꞌan li quixye li Ka̱cuaꞌ re laj Oseas, li ralal laj Beeri, saꞌ eb li cutan nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías, ut nak quicuan chokꞌ xreyeb laj Israel laj Jeroboam, li ralal laj Joás.

Oseas 1:1 ပူးပေါင်းရင်းမြစ်များ

Romanos 9:25

Jo' naxye li Yos sa' xhu laj Oseas: “Li maawa' chaq intenamit, intenamit chik tinye re; ut li maawa' chaq inrahom, inrahom chik tinye re.

Miqueas 1:1

A'an a'in li raatin li Qaawa' li kixk'ul laj Mikeas, aj Moséret, ut li kiril sa' moy u chirix Samaria ut Jerusalén, naq laj Jotán, laj Ajás ut laj Esekías wankeb' chaq chi awab'ejink sa' xb'een Judá.

Isaías 1:1

Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

Amós 1:1

A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

2 Reyes 15:32

Ak wiib' chihab' rokik chi awab'ejink laj Pékaj, ralal laj Romelías, awab'ej re Israel, kixtikib' awab'ejink laj Jotán, ralal laj Osías, sa' xb'eeneb' laj Judá.

2 Reyes 14:16

Naq laj Johás kiq'ajk kisutq'iik rik'ineb' li xxe'toonil yuwa', kimuqe'k sa' li tenamit Samaria sa' xyanqeb' li awab'ej re Israel, ut a' chik laj Jerobohán li ralal kixtikib' awab'ejink sa' xna'aj.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

San Juan 10:35

Wi naxk'eheb' cho'q yos li ke'k'uluk re li Raatin li Yos (ut ink'a' naru xsachb'al xwankil li Santil Hu),

Zacarías 1:1

Waqxaqib' po chik re li xkab' chihab' chi awab'ejink laj Darío aran Persia, li Qaawa' kiraatina laj Sakarías li propeet, ralal laj Berekías, ri xmam laj Idó, ut kixye re chi jo'ka'in:

Jonás 1:1

Li Qaawa' kiraatina laj Jonás, ralal laj Amitay, ut kixye re:

Joel 1:1

A'an a'in li raatin li Qaawa' li kixye re laj Joel, ralal laj Petwel.

Ezequiel 1:3

naq li Qaawa' ki'aatinak rik'in laj Esekiel, laj tij, ralal laj Busí, aran chire li nima' Kebar, sa' xteepal Kaldeha. Li Qaawa' kixk'e li ruq' sa' inb'een.

Jeremías 1:4

Toja' naq li Qaawa' ki'aatinak wik'in ut kixye we:

Jeremías 1:2

Ak oxlaju chihab' rokik laj Josías, ralal laj Amón, chi awab'ejink sa' xb'eeneb' laj Judá naq ki'aatinaak laj Jeremías xb'aan li Qaawa'.

2 Reyes 13:13

Naq laj Johás kiq'ajk kisutq'iik rik'ineb' li xxe'toonil yuwa', a' chik laj Jerobohán ki'ok chi taqlank sa' xna'aj. Laj Johás kimuqe'k aran Samaria, sa' xyanqeb' li awab'ej re Israel.

2 Reyes 14:23

O'laju chihab' rokik laj Amasías, ralal laj Johás, cho'q awab'ej re Judá, kixtikib' awab'ejink laj Jerobohán, ralal laj Johás, sa' xb'eeneb' laj Israel, sa' li tenamit Samaria. Ut jun roxk'aal chihab' ki'awab'ejink.

2 Reyes 15:5

Ut li Qaawa' kixrahob'tesi rik'in li saqlep toj reetal kikamk; jo'kan naq kiwank xjunes sa' jun li ochoch, ut laj Jotán, li ralal li awab'ej, kijolomink re li rochoch jo'wi' li tenamit.

2 Reyes 15:7

Naq laj Asarías kiq'ajk kisutq'iik rik'ineb' li xxe'toonil yuwa', kimuqe'k sa' xyanqeb' li xna' xyuwa' sa' xtenamit laj David, ut a' chik laj Jotán li ralal ki'ok chi awab'ejink sa' xna'aj.

2 Crónicas 27:1

Oob' xka'k'aal chihab' wank re laj Jotán naq ki'ok cho'q awab'ej, ut waqlaju chihab' ki'awab'ejink aran Jerusalén. xJerusá xk'ab'a' li xna', xrab'in laj Sadok.

2 Crónicas 28:1

Junmay chihab' wank re laj Ajás naq ki'ok cho'q awab'ej, ut waqlaju chihab' ki'awab'ejink aran Jerusalén. Ab'an ink'a' kixb'aanu li nawulak chiru li Qaawa', jo' kixb'aanu laj David li xyuwa';

2 Crónicas 29:33

Ke'mayejaak ajwi' lajeek'aal xkab' o'q'ob' (600) chi b'ooyx ut oxib' mil chi karneer.

Isaías 7:1

A'in kik'ulmank naq laj Ajás, ralal laj Jotán ut ri laj Osías, wan chaq chi awab'ejil aran Judá. Laj Rasín, awab'ej re Siria, rochb'een laj Pékaj, ralal laj Romelías, awab'ej re Israel, ke'taqe'k Jerusalén re raj reechaninkil li tenamit, ab'anan ink'a' ke'ruhank.