Números 9:13 - Q'eqchi Bible

¹³ Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Li Santil hu

¹³ Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Números 9:13 ပူးပေါင်းရင်းမြစ်များ

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Génesis 17:14

Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Números 9:7

ut ke'xye reheb': “Xqamux qib' xb'aan xch'e'b'al junaq kamenaq. K'a'ut naq ramro chiqu li mayejak chiru li Qaawa' tz'aqal sa' xkutankil, qochb'eeneb' li qakomon?”, chankeb'.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

Hebreos 6:6

wi neke't'ane'k wi' chik, ramro chiruheb' naq te'ak'ob'resiiq wi' chik rik'in yot'b'ach'oolej jalb'ak'a'uxl, xb'aan naq neke'xchirib' wi' chik chiru krus li Ralal Li Yos ut neke'xk'e sa' xutaan chiruheb' li tenamit.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

Ezequiel 23:49

Ab'an eb' li wiib' chi ixq a'in te'xtoj rix li xtz'i'b'eetalil b'aanuhomeb' ut taateneb'aaq tojb'amaak sa' xb'eeneb' xb'aan naq ke'xloq'oni ru eb' li jalanil yos. Ut laa'ex teenaw naq laa'in li Qaawa'”.

Números 19:13

Chixjunil li taach'e'oq junaq kamenaq ut ink'a' tixch'ajob'resi rib', tixmux xloq'al li xLoq'laj Muheb'aal li Qaawa'. Li winq a'an taa'isiiq sa' xyanqeb' laj Israel, xb'aan naq maji' xkirkiriik chi osob'tesinb'il ha': a'an muxb'il ut toj wank sa' xb'een li xmuxulal.

Números 5:31

Chi jo'kan li winq taakanaaq chi maak'a' xmaak, ab'an li ixq tixtoj rix li xmaak, wi xmaakob'k”.

Levítico 20:20

“Wi junaq winq taawanq rik'in rixaqil li rikan, tixmux xloq'al li rikan; chi xkab'ichaleb' te'riiqani li xmaakeb' ut te'kamq chi ink'a' te'xkanab' ralal xk'ajoleb'.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Levítico 17:4

wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

Levítico 22:9

“Ye reheb' naq xpaab'aqeb' linchaq'rab'; chi jo'kan ink'a' te'riiqani junaq maak chi moko te'kamq yal sa' xk'ab'a' naq xe'xq'etq'eti rib'eb'. Laa'in li Qaawa', li ninsantob'resink reheb'.

Éxodo 12:19

Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Éxodo 12:47

Chixjunil li xkomonileb' laj Israel te'xninq'ehi a'in.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.

Éxodo 30:38

Chixjunileb' li te'yiib'anq re junaq chik kama'aq ta a'an re rutz'b'al li xb'ook, isinb'ilaqeb' chi junajwa sa' lintenamit”.

Levítico 24:15

Ut ye a'in reheb' laj Israel: Ani tixmajewa xk'ab'a' li Qaawa' li xYos, wank xmaak chi junelik.

Números 19:20

Ab'an li winq li xkanaak chi muxb'il ru ut ink'a' xch'ajob'resi rib', a'an taa'isiiq sa' xyanq li komonil, xb'aan naq xmuxum li xLoq'laj Na'aj li Qaawa'. Ink'a' xkirkiriik sa' li osob'tesinb'il ha': jo'kan naq muxb'il ru taakanaaq.