Números 8:12 - Q'eqchi Bible

¹² Eb' laj Leví te'xk'e li ruq'eb' sa' xb'een xjolomeb' li wakax, ut laa'at taamayeja li jun chirix li kuyuk maak ut li jun chik taamayeja chi k'atb'il re xsachb'al li xmaakeb' laj Leví chiru li Qaawa'.

Li Santil hu

¹² Chirix aꞌan eb laj levitas teꞌxqꞌue li rukꞌeb saꞌ xjolomeb li cuib chi toro toj sa̱jeb. Li jun teꞌxmayeja chicuu re xtzꞌa̱manquil xcuybal xma̱queb ut li jun chic teꞌxqꞌue chokꞌ cꞌatbil mayej re xtojbal rix lix ma̱queb. Joꞌcaꞌin nak queꞌxsantobresiheb laj levita.

Números 8:12 ပူးပေါင်းရင်းမြစ်များ

Éxodo 29:10

“Chirix chik a'an toxaak'am li saaj wakax chiru xMuheb'aal li ch'utam, ut laj Aharón rochb'eeneb' li ralal xk'ajol te'xk'e li ruq'eb' sa' xb'een xjolom li saaj wakax.

Hebreos 9:22

xb'aan naq, jo' naxye li Chaq'rab', kach'in chik maa chixjunil nach'ajob'resimank rik'in kik', ut wi ink'a' nahoye'k li kik', maak'a' kuyuk sachok maak.

Levítico 8:14

Toja' naq laj Moisés kixtaqla xk'amb'al chaq li saaj wakax li namayejamank chirix li maak, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom li saaj wakax.

Levítico 1:4

ut tixk'e ajwi' li ruq' sa' xb'een xjolom li xul. Chi jo'kan li xul k'ulb'ilaq xb'aan li Qaawa' re naq kuyb'il sachb'ilaq li xmaak li ani xyeechi'ink re.

Números 8:8

Chirix chik a'an, te'xk'e junaq wakax rochb'een li k'aj yoq'inb'il rik'in aseeyt, ut laa'at taak'e jun chik li wakax re xmayejankil chirix li kuyuk maak.

Números 6:16

Laj tij tixq'axtesi chixjunil a'in re li Qaawa' ut tixyeechi'i li mayej chirix li maak jo'wi' li xk'atb'il mayej laj nasireo.

Números 6:14

ut tixq'axtesi li xmayej re li Qaawa': jun karneer aj jun chihab' chi maak'a'aq reek', cho'q k'atb'il mayej; jun li ixqi karneer aj jun chihab' chi maak'a'aq reek', re xtojb'al rix li xmaak; jun karneer chi maak'a'aq reek', re k'amok ib' sa' usilal rik'in li Qaawa';

Levítico 16:21

tixk'e li ruq' sa' xb'een xjolom li xul ut tixxooto chixjunil li xmaakeb' laj Israel, chixjunil li xyib'aleb' ru xna'leb' ut li xnimob'resinkil rib'eb'. Chi jo'kan tixk'eheb' li maak sa' xb'een xjolom li chib'aat, ut tixxaqab' jun poyanam re xk'amb'al ut xkoq'b'al sa' li chaqich'och'.

Levítico 16:11

“Laj Aharón tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 16:6

Toja' naq tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 14:22

wiib'aq mukuy malaj wiib'aq k'ook'ob' (a' yaal naxye ma wank chiru ut malaj ink'a'): jun taamayejamanq chirix li maak ut li jun chik a'anaq k'atb'il mayej.

Levítico 9:7

Chirix chik a'an kixye laj Moisés re laj Aharón: “Jilon chaq rik'in li artal ut q'axtesi laamayej chirix li maak jo' ajwi' li xul li taayeechi'i cho'q k'atb'il mayej. Chatoj rix laamaak ut li xmaakeb' laj Israel. Q'axtesi ajwi' li xmayejeb' laj Israel ut chatoj rix xmaakeb', jo' chanru xye li Qaawa'”.

Levítico 8:34

Li Qaawa' kixye naq li xtz'aamankil xtojb'al rix leemaak, chib'aanumanq jo' xb'aanumank anaqwan.

Levítico 8:18

Laj Moisés kixye naq chijilosiiq chaq li karneer li taayeechi'imanq cho'q k'atb'il mayej, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom.

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Levítico 4:35

Chirix chik a'an taarisi chixjunil li xeeb', jo' tz'aqal na'isimank re li karneer nayeechi'imank cho'q mayej re k'amok ib' sa' usilal, ut tixk'at li xeeb' sa' xb'een li artal, rochb'een chixjunileb' li k'atb'il mayej sa' xk'ab'a' li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li xmaak.

Levítico 4:20

naraj naxye, taab'aanumanq rik'in li ch'ina wakax a'in jo' tz'aqal nab'aanumank re li ch'ina wakax namayejaak chirix li maak. Chi jo'kan laj tij tixk'e li mayej re xtojb'al rix li xmaakeb' li tenamir ut taakuymanq li xmaakeb'.

Levítico 4:4

Tixk'am chiru li Qaawa', sa' rokeb'aal li Loq'laj Muheb'aal; aran tixk'e li ruq' sa' xb'een li xjolom, ut chirix a'an tixyok' xkux chiru A'an.

Levítico 4:15

b'arwi' eb' li xcheekelal li komonil te'xk'e li ruq' sa' xb'een li xjolom li ch'ina wakax, li wank chiru li Qaawa', ut aran ajwi' te'xyok' li xkux.

Números 8:13

Chirix chik a'an, taaxaqab'eb' laj Leví chiru laj Aharón ut chiruheb' li ralal, ut taaq'axtesiheb' chiru li Qaawa' cho'q mayej.

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.