Números 7:9 - Q'eqchi Bible

⁹ Ab'an maak'a' kixk'e reheb' li ralal laj Kehat, xb'aan naq li xk'amomeb' a'an q'axal loq' ut chi paqonb'il neke'xk'am.

Li Santil hu

⁹ Abanan li ralal xcꞌajol laj Coat ma̱cꞌaꞌ quixqꞌue reheb xban nak eb aꞌan teꞌxpako saꞌ xbe̱neb xtel li cꞌaꞌru santobresinbil li tenebanbil saꞌ xbe̱neb xcꞌambal.

Números 7:9 ပူးပေါင်းရင်းမြစ်များ

1 Crónicas 15:13

Sa' li xb'een sut moko xeb'aanu ta chi kama'an; jo'kan naq li Qaawa' li qaYos kirisi xyu'ameb' li junjunq sa' qayanq, xb'aan naq ink'a' xoopatz'ok chan raj ru naraj”.

2 Samuel 6:13

Rajlal waqib' yokb' li neke'xk'e eb' laj paqonel, laj David kixmayeja jun b'ooyx rochb'een jun karneer ch'oolaninb'il chi us.

Números 3:31

A'aneb' a'in li neke'ilok re li Loq'laj Kaax, li meex, li xna'aj kanteel, eb' li artal, li k'a'aq re ru li nak'anjelak re loq'onink, li loq'laj t'ikr ut chixjunil li xk'anjelankil a'an.

1 Crónicas 23:26

Jo'kan naq eb' laj Leví ink'a' chik te'xk'am li xLoq'laj Muheb'aal li Qaawa' chi moko eb' li loq'laj k'anjelob'aal”, chan.

1 Crónicas 15:3

Chirix chik a'an laj David kixch'utub' chixjunileb' laj Israel aran Jerusalén re xk'amb'al li xLoq'laj Kaax li Yos sa' li na'ajej ak kawresinb'il xb'aan.

2 Samuel 6:6

Naq ke'wulak sa' li na'ajej xCh'oxleb'aal laj Nakón xk'ab'a', laj Usá kixye' li ruq' sa' xb'een li xLoq'laj Kaax li Yos ut kixchap, xb'aan naq ka'aj chik maa nat'ane'k xb'aaneb' li b'ooyx.

1 Reyes 8:3

ke'k'ulunk chixjunileb' li xcheekal winqilaleb' laj Israel, ut eb' laj tij ke'xk'am chaq li xLoq'laj Kaax li Qaawa'

2 Samuel 6:3

Ke'risi chaq li xLoq'laj Kaax li Yos sa' rochoch laj Abinadab li wank sa' xb'een b'ool, ut ke'xk'e sa' xb'een jun li kareet toj ak'. Laj Usá ut laj Ajihó, ralaleb' laj Abinadab, yookeb' chi xb'eresinkil li kareet wan wi' li Loq'laj Kaax: