Números 7:10 - Q'eqchi Bible

¹⁰ Naq kisantob'resiik li artal, eb' laj k'amol b'e ke'xk'am li xmayejeb' ut ke'xq'axtesi chiru li artal.

Li Santil hu

¹⁰ Saꞌ li cutan nak quiqꞌueheꞌ li aceite chiru li artal re xkꞌaxtesinquil re li Ka̱cuaꞌ, eb li nequeꞌjolomin reheb lix te̱paleb laj Israel queꞌxcꞌam lix mayejeb chiru li artal.

Números 7:10 ပူးပေါင်းရင်းမြစ်များ

2 Crónicas 7:9

Sa' xwaqxaq li kutan kiwank jun nimla ch'utam. Jo'kan naq chiru wuqub' kutan ke'xninq'ehi li rosob'tesinkil li artal, ut chiru wuqub' kutan chik ke'xb'aanu li nimla ninq'e.

Nehemías 12:27

Naq kiwulak xq'ehil xninq'ehinkil li xsuttz'akil Jerusalén, ke'sik'je'k laj Leví sa' chixjunil li na'ajej re xk'amb'aleb' chaq Jerusalén, re xninq'ehinkil ut xq'axtesinkil li suttz'ak sa' ruq' li Yos rik'in sahil ch'oolej, b'ichank, b'anyoxink rik'in xyaab' aarp, tzojtzoj ut wajb'.

2 Crónicas 7:5

Li awab'ej Salomón kixyeechi'i wiib' xka'k'aal mil (22,000) chi b'ooyx ut waqk'aal mil (120,000) chi karneer. Jo'ka'in naq li awab'ej ut chixjunileb' li ralal xk'ajol laj Israel ke'xsul li rochoch li Qaawa'.

1 Reyes 8:63

Laj Salomón kixyeechi'i wiib' xka'k'aal mil (22,000) chi b'ooyx ut waqk'aal mil (120,000) chi karneer, jo' loq'laj mayej re k'amok ib' sa' usilal rik'in li Yos. Jo'ka'in naq li awab'ej ut chixjunileb' li ralal xk'ajol laj Israel ke'xsul li rochoch li Qaawa'.

Deuteronomio 20:5

“Chirix chik a'an eb' laj tz'iib' te'xye re li tenamit: «Ani ak xkab'la junaq ak' ochoch ut toj maji' naxsul? Xikaq ut sutq'iiq sa' rochoch. Mare anchal taakamq sa' li yalok ut jalan chik winq taasuluq re li rochoch.

Salmos 30:1

B'ich re xq'axtesinkil li rochoch li Yos. Xsaalm laj David.

Nehemías 12:43

Naab'al li mayej kiyeechi'imank sa' li kutan a'an ut k'ajo'eb' li tenamit chi ninq'ehik, xb'aan naq jun nimla sahil ch'oolej xk'ehom li Yos reheb'. Ke'ninq'ehik ajwi' eb' li ixq ut eb' li kok'al; ut toj chi najt ki'ab'iik li xsahilal xch'ooleb' laj Jerusalén.

Números 7:1

Naq laj Moisés kiraqe'k chi xwaklesinkil li Loq'laj Na'ajej, kixyuli chi aseeyt ut kixsantob'resi rochb'een chixjunil li k'a'aq re ru taak'anjelaq chisa'. Kixsantob'resi ajwi' li artal rochb'een chixjunileb' li xk'anjelob'aal. Ut naq kiraqe'k chi xyulinkil chi aseeyt ut chi xsantob'resinkil,

Números 7:11

Ut li Qaawa' kixye re laj Moisés: “Rajlal kutan junjunq xjolomil xteepal laj Israel chimayejaq sa' xk'ab'a' li artal”, chan.

Números 7:84

A'an a'in xk'ihal li xmayejeb' li xjolomileb' laj Israel, sa' li kutan naq kisantob'resiik li artal: kab'laju chi perpookil sek', kab'laju chi sek' yiib'anb'ileb' rik'in plaat ut kab'laju chi lekleb' yiib'anb'ileb' rik'in oor.

Números 7:88

Li xk'ihal li ketomq ke'mayejaak re li k'amok ib' sa' usilal rik'in li Yos a'an a'in: kaahib' xka'k'aal (24) li saaj wakax, oxk'aal (60) li teelom karneer, oxk'aal li teelom chib'aat ut oxk'aal li kok' karneer aj junq chihab'eb'. A'an a'in li mayej kiq'axtesiik naq li artal kiyuleek rik'in aseeyt ut kisantob'resiik.