Números 7:1 - Q'eqchi Bible

¹ Naq laj Moisés kiraqe'k chi xwaklesinkil li Loq'laj Na'ajej, kixyuli chi aseeyt ut kixsantob'resi rochb'een chixjunil li k'a'aq re ru taak'anjelaq chisa'. Kixsantob'resi ajwi' li artal rochb'een chixjunileb' li xk'anjelob'aal. Ut naq kiraqe'k chi xyulinkil chi aseeyt ut chi xsantob'resinkil,

Li Santil hu

¹ Nak ac xchoy xyi̱banquil li tabernáculo, laj Moisés quixqꞌue li aceite chiru re xsantobresinquil. Quixqꞌue ajcuiꞌ chiru chixjunil li nacꞌanjelac chi saꞌ. Quixsantobresi ajcuiꞌ li artal ut li secꞌ li nacꞌanjelac saꞌ li artal.

Números 7:1 ပူးပေါင်းရင်းမြစ်များ

Números 7:84

A'an a'in xk'ihal li xmayejeb' li xjolomileb' laj Israel, sa' li kutan naq kisantob'resiik li artal: kab'laju chi perpookil sek', kab'laju chi sek' yiib'anb'ileb' rik'in plaat ut kab'laju chi lekleb' yiib'anb'ileb' rik'in oor.

San Mateo 23:19

Ex mutz'! B'ar wank li q'axal nim xwankil: ma li mayej malaj li artal li nasantob'resink re li mayej?

1 Reyes 8:64

Sa' li kutan a'an li awab'ej kixq'axtesi re li Qaawa' li xneb'aalil li rochoch li Yos -a' li wank chiru-. Aran kixyeechi'i li xk'atb'il mayej, chixjunil li xyeechi'om ut li xxeeb'ul li mayej re li k'amok ib' sa' usilal rik'in li Yos, xb'aan naq jwal kach'in li artal yiib'anb'il rik'in q'anch'iich', a' li wank chiru li Qaawa'; jo'kan naq ink'a' ki'ok aran jo'nimal kiyeechi'imank.

Números 7:88

Li xk'ihal li ketomq ke'mayejaak re li k'amok ib' sa' usilal rik'in li Yos a'an a'in: kaahib' xka'k'aal (24) li saaj wakax, oxk'aal (60) li teelom karneer, oxk'aal li teelom chib'aat ut oxk'aal li kok' karneer aj junq chihab'eb'. A'an a'in li mayej kiq'axtesiik naq li artal kiyuleek rik'in aseeyt ut kisantob'resiik.

Éxodo 13:2

“Q'axtesinb'ilaqeb' sa' wuq' chixjunileb' li xb'een alalb'ej, chixjunil li xb'een ralaleb' laj Israel, jo' winq jo' xul, xb'aan naq we chixjunileb'”.

Génesis 2:3

Toja' naq li Yos kirosob'tesi li xwuq li kutan ut kixsantob'resi, xb'aan naq aran kihilank chirix chixjunil li yoob'tesink kixb'aanu.

Números 7:10

Naq kisantob'resiik li artal, eb' laj k'amol b'e ke'xk'am li xmayejeb' ut ke'xq'axtesi chiru li artal.

Éxodo 29:36

“Rajlal kutan taamayeja jun ch'ina wakax re xtojb'aleb' rix li maak; taach'ajob'resi li artal rik'in xpatz'b'al xkuyb'aleb' li maak ut taayul re xsantob'resinkil.

Éxodo 40:11

Jo'kan ajwi' taayul li aseeyt chiru li pila ut chiru li roq, ut taaq'axtesi we.

Números 17:2

“Aatinaheb' laj Israel ut ye reheb' naq chi xjunqalileb' li xjolomileb' li junq teep te'xk'am chaq junjunq xxuq'eb' sa' xk'ab'a'eb' li xjunqkab'al: te'xk'e aawe kab'laju chi xuq'. Taatz'iib'a xk'ab'a'eb' li junjunq chiru li xuq'.