Números 6:26 - Q'eqchi Bible

²⁶ A' taxaq li Qaawa' chi'iloq aawe sa' xrahom ut chixk'e aawe li tuqtuukilal».

Li Santil hu

²⁶ Aꞌ taxak li Ka̱cuaꞌ chi-ilok e̱re riqꞌuin lix rahom ut chixqꞌue taxak li tuktu̱quil usilal e̱re.

Números 6:26 ပူးပေါင်းရင်းမြစ်များ

Salmos 4:6

Yeechi'ihomaq leemayej sa' tiikilal ut k'ojk'ooq leech'ool rik'in li Qaawa'.

2 Ts 3:16

A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

Salmos 29:11

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Hechos 2:28

Laa'at xak'ut chiwu li xb'ehil li yu'am ut tinaanujob'resi chi sahil ch'oolejil chawe chawu».

Isaías 26:3

Kaw xaqxo li xpaab'aaleb', ut laa'at, at Qaawa', nakak'e reheb' li wank sa' tuqtuukilal xb'aan naq k'ojk'o xch'ooleb' aawik'in.

Romanos 15:33

Li Yos li nak'ehok tuqtuukil usilal chiwanq taxaq eerik'in chejunilex. Jo'kan taxaq.

San Juan 20:21

Toja' naq kixye wi' chik li Jesus reheb': —Chiwanq taxaq eerik'in li tuqtuukil usilal. Jo' naq xinxtaqla chaq li Yuwa'b'ej, jo'kan ajwi' naq texintaqla laa'in.

Filipenses 4:7

Ut li tuqtuukil usilal li nachalk rik'in li Yos ut naxq'ax ru chixjunil li na'leb', tixk'uula leech'ool ut leek'a'uxl rik'in li Kristo Jesus.

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Isaías 26:12

At Qaawa', laa'at toohaak'e chi wank sa' tuqtuukilal, xb'aan naq ka'ajwi' laa'at nakatk'ehok naq us too'elq rik'in li nalajqab'aanu.

Salmos 89:15

Li tiikilal ut li yaal a'aneb' li xkuut laa'awab'ejihom, li usilal ut li chaab'ilal aj k'amol b'eheb' chawu.

Salmos 37:37

Il li tiik xch'ool ut k'e reetal li chaab'il xna'leb': ani nawank sa' tuqtuukilal, te'wanq ralal xk'ajol;

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Juan 20:26

Waqxaqib'aq kutan xnumik a'an, wankeb' wi' chik sa' kab'l eb' li xtzolom ut laj Tomás wank sa' xyanqeb'. Kiwulak li Jesus chi tz'aptz'ookeb' li okeb'aal, kixk'e rib' sa' xyiheb' ut kixye: —Chiwanq taxaq eerik'in li tuqtuukil usilal!

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

Salmos 44:3

Rik'in laawuq' xawaanilasiheb' li tenamit, xarahob'tesi chixjunileb' li poyanam re xk'ojob'ankil eb' li qana' qayuwa' sa' li xna'ajeb', re naq te'k'iiq ut te'nimanq.

Efesios 6:23

Li Yos Yuwa'b'ej ut li Qaawa' Jesukriist che'xk'e taxaq li tuqtuukilal reheb' laj paab'anel, jo'wi' li rahok ut li paab'aal.

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.