Números 6:14 - Q'eqchi Bible

¹⁴ ut tixq'axtesi li xmayej re li Qaawa': jun karneer aj jun chihab' chi maak'a'aq reek', cho'q k'atb'il mayej; jun li ixqi karneer aj jun chihab' chi maak'a'aq reek', re xtojb'al rix li xmaak; jun karneer chi maak'a'aq reek', re k'amok ib' sa' usilal rik'in li Qaawa';

Li Santil hu

¹⁴ Ut tixqꞌue chokꞌ xcꞌatbil mayej chiru li Ka̱cuaꞌ jun li te̱lom carner jun chihab cuan re. Ut tixqꞌue jun li ixki carner jun chihab cuan re, re xtojbal rix lix ma̱c. Ut tixqꞌue jun li te̱lom carner re tixcꞌam rib saꞌ usilal riqꞌuin li Dios. Ma̱cꞌaꞌak re̱qꞌueb li xul li tixqꞌue chokꞌ xmayej.

Números 6:14 ပူးပေါင်းရင်းမြစ်များ

Levítico 4:32

“Wi li poyanam a'an naxk'am chaq junaq karneer cho'q xmayej chirix li xmaak, tento tixk'am chaq ixqi karneer li maak'a' reek'.

Levítico 3:6

“Wi ani tixyeechi'i re li Qaawa' junaq xkarneer, jo' mayej re k'amok ib' sa' usilal rik'in li Yos, tento tixyeechi'i junaq teelom malaj ixqi karneer li maak'a'aq reek'.

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

1 Crónicas 15:26

Li Yos kixtenq'aheb' laj Leví li ke'iiqank re li xLoq'laj Kaaxil li xSumwank li Qaawa'; jo'kan naq kimayejamank wuqub' li saaj wakax ut wuqub' li karneer.

Números 15:27

“Ab'anan wi jun ajwi' xmaakob'k chi ink'a' xk'ehom reetal, tento tixk'e cho'q xmayej jun tuq'ixq chib'aat aj jun chihab'.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 4:27

“Wi junaq poyanam re li tenamit taamaakob'q chi ink'a' rajom xch'ool, ut tixq'et junaq xchaq'rab' li Qaawa',

Salmos 66:15

Tinyeechi'i aawe naab'al li kames ch'oolaninb'ileb' chi us, rochb'een xb'ook li k'atb'il karneer; tinmayeja chawu eb' li b'ooyx ut li teelom chib'aat.