Números 5:21 - Q'eqchi Bible

²¹ (laj tij tixye li jurament a'in sa' xb'een li ixq) majewanb'ilaqat xb'aan li Qaawa' sa' xyanqeb' laatenamit; ink'a' chik truuq tatk'iiresinq ut chisipooq laasa'.

Li Santil hu

²¹ li Ka̱cuaꞌ tixqꞌue chi si̱pocꞌ la̱ saꞌ ut incꞌaꞌ chic ta̱ru̱k tatqꞌuiresi̱nk ut eb la̱ tenamit tateꞌxtzꞌekta̱na.

Números 5:21 ပူးပေါင်းရင်းမြစ်များ

Nehemías 10:29

ke'xjunaji rib' rik'ineb' li xkomoneb' ut eb' laj k'amol xb'eheb', ut ke'xye raatineb' sa' jurament naq junelik te'xpaab' li Chaq'rab' xk'ehom li Yos re laj Moisés laj k'anjel chiru. Ke'xye naq te'xyu'ami ut te'xk'anjela ru chixjunil li raatin, li xchaq'rab' ut li xtaqlahom li Qaawa' li qaYos.

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

Josué 6:26

Sa' li kutan a'an laj Josué kixye a'in sa' jurament: “Majewanb'ilaq chiru li Qaawa' li winq li taawakliiq ut tixwaklesi wi' chik li tenamit Jerikó! Rik'in xkamik li xb'een ralal tixtoj rix li xk'ojob'ankil li rub'elankil li tenamit, ut rik'in xkamik li xch'iip tixtoj rix li xyiib'ankil li rokeb'aal”, chan.

Jeremías 29:22

Ut naq chixjunileb' li xe'isiik sa' xteepal Judá ut wankeb' chaq Babilonia te'ok chi majewank, te'xye: Li Qaawa' chixb'aanu taxaq aawe jo' kixb'aanu re laj Sedesías ut laj Ajab, li ke'chinaak sa' ru xam xb'aan li awab'ej re Babilonia, cha'qeb'.

San Mateo 26:74

Toja' naq ki'ok chi majewank ut chi xyeeb'al rik'in jurament: —Ink'a' ninnaw ru li winq a'an. Tikto kiyaab'ak jun li tzo' kaxlan.

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

Proverbios 10:7

Junelik osob'tesinb'il li xk'ab'a' li winq chaab'il; a'ut li ink'a' us xna'leb' sa' junpaat taasache'q li xk'ab'a'.

2 Crónicas 21:15

Naab'aleb' ajwi' li yajel te'chalq sa' aab'een ut jwal rahaq laasa', toj reetal taa'elq chi kutankil laak'amk'ot xb'aan li yajel»”.

Números 5:27

“Wi li ixq xmux rib' ut relik chi yaal xb'alaq'i li xb'eelom, naq taaruk' li xha'el li majewank, taasipooq li xsa' ut ink'a' chik taaruk' li xha'el li majewank, taasipooq li xsa' ut ink'a' chik taa'alanq, ut majewanb'ilaq sa' xyanqeb' li xtenamit.