Números 5:2 - Q'eqchi Bible

² “Taqlaheb' laj Israel chi risinkil sa' xna'aj li xmuheb'aaleb' li poyanam chixjunileb' li saqlep rixeb', eb' li neke'ya'alunk xtz'ejwaleb' ut chixjunil li xmuxumeb' rib' chi ch'e'ok kamenaq.

Números 5:2 ပူးပေါင်းရင်းမြစ်များ

Levítico 21:1

Li Qaawa' kixye re laj Moisés: “Aatinan rik'ineb' laj tij ralal xk'ajoleb' laj Aharón ut ye reheb' naq me'xmux rib'eb' rik'in xch'e'b'al junaq kamenaq sa' li xkomoneb'.

Levítico 13:46

Jo' najtil wanq li saqlep chirix, taakanaaq chi tz'ajn ru li xtib'el ut tento wanq xjunes, toj chirix li na'ajej wankeb' wi' xmuheb'aaleb' li tenamit.

Números 12:14

Kichaq'ok li Qaawa' ut kixye re laj Moisés: “Wi ta li xyuwa' xchuub'a xnaq' ru lix María, ma ink'a' raj tento tixmuq rib' wuqub'aq kutan xb'aan xxutaan? Isihomaq b'i' lix María sa' eeyanq chiru wuqub' kutan; toja' naq teek'ul wi' chik eerik'in”, chan.

Números 31:19

Ut chejunilex laa'ex li xexkamsink malaj xech'e' junaq kamenaq, kanaaqex chirixeb' li muheb'aal chiru wuqub' kutan. Ch'ajob'resiiq eerib' laa'ex jo'wi' eb' leepreex, sa' li rox ut sa' li xwuq li kutan.

2 Reyes 7:3

Chire rokeb'aal li tenamit wankeb' kaahib' chi winq saqlep rixeb', ut ke'xye chirib'ileb' rib': “K'aru naqab'aanu arin chi chunchu royb'eninkil qakamik?

Levítico 13:8

Laj tij taaril chi us li yaj ut wi ak xpukank li katzkatz chiru chixjunil li xtz'uumal, laj tij tixye naq muxb'il chik li yaj, xb'aan naq wank saqlep chirix.

Levítico 14:8

“Ani tixch'ajob'resi rib' tento tixpuch' li raq', tixch'aj rib' xjunes ut tixjo chixjunil li rismal, re naq taakanaaq chi ch'ajob'resinb'il. Chirix chik a'an taaruuq chi ok sa' li tenamit, ab'an toj wuqub' kutan chik tento twanq chirix li xmuheb'aal.

Levítico 23:29

Yalaq ani ink'a' taa'ayuuniq sa' li kutan a'an, taa'isiiq sa' xyanqeb' li rech tenamitul.

Números 5:1

Li Qaawa' kixye re laj Moisés:

Números 12:10

Ka'ajwi' ki'elk li choql sa' xb'een li Loq'laj Na'ajej, naq kisaqlepo'k rix lix María, chanchan li ratz'amke li rix. Ut naq laj Aharón kiril lix María, kixk'e reetal naq saqlep li rix,

Levítico 13:45

“Ani saqlep rix, tento twanq chi q'ichb'ilaq li raq' ut ink'a' lanb'ilaq li xjolom; ka'ajwi' tixtz'ap b'ayaq li xnaq' ru ut tixjap re chi xyeeb'al: «Muxb'ilin! Muxb'ilin!», cha'aq.