Números 4:5 - Q'eqchi Bible

⁵ Naq li tenamit te'xjal xna'ajeb', laj Aharón ut eb' li ralal te'isinq li t'ikr chire li Loq'laj Na'ajej ut chiru a'an te'xtz'ap ru li Loq'laj Kaax.

Li Santil hu

⁵ Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ.

Números 4:5 ပူးပေါင်းရင်းမြစ်များ

Hebreos 9:3

Junpak'al li xkab' t'ilkem wank li Muheb'aal, Rajawal Sant xk'ab'a',

San Mateo 27:51

Aka' li xt'ikrul li rochoch li Yos kiq'iche'k sa' xyi chalen taqe'q toj taq'a. Ki'eek'ank li ch'och' ut eb' li xninqal pek ke'it'je'k.

Hebreos 10:20

xb'aan naq wank jun ak' ut yo'yookil b'e kixte cho'q qe sa' li t'ikr, naraj naxye sa' li xjunxaqalil.

Isaías 25:7

Sa' li tzuul a'in taarisi li t'ikr natz'apok re chixjunileb' li poyanam, taarisi li xrahileb' xch'ool chixjunileb' li tenamit;

Números 10:14

k'amol b'e li xb'anteereb' li ralal xk'ajoleb' laj Judá li wankeb' chi ch'uutal. Laj Najsón, ralal laj Aminadab, a'an li najolomink reheb';

Números 4:15

Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

Éxodo 40:3

Aran taak'e li xLoq'laj Kaaxil li Sumwank, ut taatz'ap li Loq'laj Kaax rik'in li t'ikr.

Éxodo 36:35

Laj Besalel kixyiib' jun t'ikr rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; ut kixyiib' chi pikb'il kerubín li te'wanq chiru.

Éxodo 40:5

Taak'e li artal re li ensens, yiib'anb'il rik'in oor, chiru li xLoq'laj Kaaxil li Sumwank ut taat'uyub' li t'ilkem sa' rokeb'aal li Loq'laj Muheb'aal.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Números 4:4

“A'an a'in li k'anjel te'xb'aanu eb' li ralal xk'ajol laj Kehat sa' li Loq'laj Na'ajej: a'an jun li k'anjel q'axal loq'.

Números 7:9

Ab'an maak'a' kixk'e reheb' li ralal laj Kehat, xb'aan naq li xk'amomeb' a'an q'axal loq' ut chi paqonb'il neke'xk'am.

Deuteronomio 31:9

Laj Moisés kixtz'iib'a li Chaq'rab' a'in ut kixq'axtesi reheb' laj tij, ralal xk'ajoleb' laj Leví, li neke'k'amok re li xLoq'laj Kaaxil li xSumwank li Qaawa'; kixk'e ajwi' reheb' chixjunileb' li xcheekel winqilal laj Israel.

1 Samuel 6:19

Sa' xyanqeb' laj Bet-Semes wankeb' ink'a' ke'saho'k xch'ool naq ke'ril li xLoq'laj Kaax li Qaawa'. Jo'kan naq li Yos kixk'e chi kamk lajeeb' xkaak'aal chi winq, ut eb' li tenamit ke'wank sa' rahil ch'oolej xb'aan naq q'axal ke'rahob'tesiik xb'aan li Qaawa'.

1 Crónicas 15:15

Ke'xk'am li xLoq'laj Kaax li Yos chi paqonb'il sa' xb'een xteleb', jo' chanru kixye laj Moisés sa' xk'ab'a' xtaqlahom li Qaawa'.

1 Crónicas 23:26

Jo'kan naq eb' laj Leví ink'a' chik te'xk'am li xLoq'laj Muheb'aal li Qaawa' chi moko eb' li loq'laj k'anjelob'aal”, chan.

2 Crónicas 3:14

Kixyiib' ajwi' li chaab'il t'ikr moraad, q'an ut kaq xb'onol, rik'in liin, ut cho'q xsahob' ru kixk'e reetalileb' li kerubín chiru.