Números 32:3 - Q'eqchi Bible

³ —Li na'ajej Atarot, Dibón, Jaser, Nimrá, Jesbón, Elalé, Sibmá, Nebo ut Mehón,

Li Santil hu

³ —Qꞌuehomak retal chanru eb li naꞌajej Atarot, Dibón, Jazer, Nimra, Hesbón, Eleale, Sebam, Nebo ut Beón.

Números 32:3 ပူးပေါင်းရင်းမြစ်များ

Jeremías 48:34

Li xyaab'eb' laj Jesbón nawulak toj Elalé ut na'ab'imank toj Yahás; na'uxk japok e Sohar ut na'ab'iik toj Joronáhin ut Eklat-Selisiyá, xb'aan naq xchaqik li nima' re Nimrín.

Josué 13:17

Ke'xk'ul ajwi' li na'ajej Jesbón rochb'een chixjunileb' li tenamit wankeb' chiru taq'a: Dibón, Bamot-Bahal, Bet-Bahal-Mehón,

Jeremías 48:45

“Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Jeremías 48:32

Q'axal wi' chik tinyaab'aq cherix, ex aj Sibmá, chiru naq xinyaab'ak chirixeb' laj Jaser. Jo'kex jun xtoonal uub' li neke'nume'k li ruq' toj junpak'al li palaw, toj sa' li tenamit Jaser neke'wulak. Ab'an anaqwan chixjunil li ru laa'uub' xsache'k xb'aan laj sachonel.

Jeremías 48:2

Maak'a' chik xloq'al Mohab. Aran Jesbón xe'xk'uub' xsachb'al ru li tenamit Mohab: «Kimqex ut qasachaq ru sa' ruuchich'och'», chankeb'. Jo'kan ajwi' naq tat-oso'q laa'at, a Madmén, ut li raaxiik' junelik yooq chasutb'al.

Isaías 15:6

Xchaqik li ha' li wank Nimrín, joxk' aj chik li ch'och' ut xchaqik li pim: maab'ar chik natawmank li raxpim.

Nehemías 9:22

“Kaq'axtesiheb' tenamit ut awab'ejihom sa' ruq'eb', ut kajek'i reheb'; ut eb' a'an ke'reechani Jesbón, xna'aj laj Sijón li awab'ej, jo' ajwi' Basán, xna'aj laj Og li awab'ej.

Jueces 11:26

Ak wank o'lajuk'aal (300) chihab' rokikeb' laj Israel sa'eb' li tenamit Jesbón, Aroher ut sa' li xk'aleb'aaleb', jo'wi' sa' chixjunil li tenamit li wankeb' chi xka'pak'alil li nima' Arnón. K'a'ut naq ink'a' xapatz' li ch'och' a'an chiru li o'lajuk'aal chihab' a'in?

Josué 13:19

Kiriatáhin, Sibmá ut Séret-Jasajar, sa' xk'iche'il li taq'a;

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Números 21:28

Xb'aan naq xlochk xxamlel Jesbón, yo chi k'atk li xtenamit laj Sijón: x'oso'k li tenamit Ar sa' xteepal Mohab, xchoqlenk li tzuul chire li nima' Arnón.

Números 21:30

X'oso'k xwankilal Jesbón, chalen Nofaj toj Dibón, ut xqak'e xxamlel toj Mádaba”.

Números 21:32

Laj Moisés kixtaqlaheb' aj k'ehol eetal sa' li tenamit Jaser; ut eb' laj Israel ke'risiheb' laj Amor aran ut koxe'reechani li tenamit rochb'een li xk'aleb'aalil.

Números 32:2

koheb' rik'in laj Moisés, laj Elehasar laj tij ut chixjunileb' li xjolomileb' li komonil, ut ke'xye reheb':

Jeremías 48:1

Jo'ka'in kixye li Nimajwal Yos, li xYos laj Israel, chirixeb' laj Mohab: “Toq'ob' xaq ru li tenamit Nebo naq juk'ulk aj chik. Xsache'k xwankil ut x'eechaniik Kiriatáhin. Xutaanal xkanaak li kawub'resinb'il tenamit naq xjuk'e'k.

Ezequiel 25:9

Jo'kan naq tinkanab'eb' chi ok sa' xteepal Mohab li poyanam wankatqeb' sa' xjayal releb'l saq'e, ut tinjuk'i chi xka'pak'alil Bet-Yesimot, Bahal-Mehón ut Kiriatáhin, a'aneb' li xninqal ru tenamit.

Josué 21:39

Jesbón rochb'een xk'aleb'aaleb', Jaser rochb'een xk'aleb'aaleb': kaahib' chi tenamit.