Números 32:22 - Q'eqchi Bible

²² ut taareechani li na'ajej, toja' naq truuq texsutq'iiq chaq wi' chik, xb'aan naq ak xeb'aanu li k'aru xeyeechi'i xb'aanunkil re li Qaawa' ut reheb' laj Israel. Li ch'och' a'in eerehaq chik chiru li Qaawa'.

Li Santil hu

²² Nak acak xere̱chani li naꞌajej, la̱ex naru texsukꞌi̱k saꞌ li naꞌajej aꞌin xban nak ac xeba̱nu li cꞌaꞌru xeyechiꞌi xba̱nunquil re li Dios ut reheb le̱ rech tenamitil. Ut li naꞌajej aꞌin e̱rehak chic chiru li Ka̱cuaꞌ.

Números 32:22 ပူးပေါင်းရင်းမြစ်များ

Josué 22:9

Toja' naq eb' laj Rubén, eb' laj Gad ut li xyiijachil xteepal laj Manasés ke'xjach rib' rik'ineb' laj Israel aran Siló, sa' xteepal Kanahán, ut ke'sutq'iik sa' li na'ajej Galahad, a' li reechanihomeb' chaq jo' chanru li xyehom li Qaawa' re laj Moisés.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Deuteronomio 3:20

toja' yaal re li Qaawa' xk'eeb'al junaq eena'aj b'arwi' texhilanq laa'ex ut eb' leeras eeriitz'in. Naq eb' a'an ajwi' ak xe'reechani li na'ajej li xk'ehom li Qaawa' leeYos junpak'al li nima' Jordán, toja' naq chejunjunqal texsutq'iiq chaq sa' leena'aj ink'ehom eere», chankin.

Josué 13:8

Li jun chik xyiijachil xteepaleb' laj Manasés, rochb'eeneb' laj Rubén ut eb' laj Gad, ak wank reechanihomeb' k'eeb'il xb'aan laj Moisés sa' xjayal releb'l saq'e re li nima' Jordán, jo' chanru laj Moisés, laj k'anjel chiru li Qaawa', kixk'e reheb':

Josué 1:15

toj reetal li Qaawa' tixk'eheb' chi hilank eerochb'eeneb'. Ut akaq xe'reechani li xna'ajeb', texsutq'iiq wi' chik sa' leena'aj k'eeb'il eere xb'aan laj Moisés aj k'anjel chiru li Qaawa', sa' releb'l saq'e, chire li nima' Jordán”, chan laj Josué.

Salmos 78:55

Chiruheb' a'an kixticheb' chi najt eb' li poyanam, kixk'ojob' li xteepaleb' laj Israel sa' li xmuheb'aaleb' laj Kanahán ut kixjek'i li na'ajej cho'q reechanihomeb'.

2 Samuel 3:28

Tikto laj David kixnaw a'an ut kixye: “Li Qaawa' naxnaw naq laa'in ut li wankeb' rub'el linwankil maak'a' qamaak chi junajwa chirix xkamik laj Abner, ralal laj Ner.

Josué 18:1

Chixjunil li komonil reheb' li ralal xk'ajol laj Israel ke'ch'utlaak Siló ut aran ke'xxaqab' li Loq' laj Muheb'aal. Ak wank chixjunil li na'ajej rub'el xwankileb'.

Josué 11:23

Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.

Josué 10:42

Sa' li yalok a'an kixq'ax ruheb' chixjunil li awab'ej a'an ut kireechani li xna'ajeb', xb'aan naq li Qaawa', xYos laj Israel, yo chi tenq'ank reheb' laj Israel.

Josué 10:30

Li Qaawa' kixq'axtesi ajwi' li tenamit a'an sa' ruq'eb' laj Israel, rochb'een li awab'ej. Chixjunileb' li wankeb' xyu'am aran, ke'kamsiik chi ch'iich'; maajun chik kikanaak chi yo'yo sa' li tenamit a'an. Laj Josué kixb'aanu re li awab'ej a'an jo' kixb'aanu re li awab'ej re Jerikó.

Josué 2:19

Wi junaq taa'elq sa' laawochoch, a'an wank xmaak wi taakamq; maak'a' chik qamaak laa'o. Ab'an wi junaq reheb' li wankeb' sa' laawochoch natoch'e'k xb'aan anihaq, chikanaaq sa' qab'een li xkamik.

Levítico 14:34

“Naq akaq xex'ok sa' xteepal Kanahán, sa' li ch'och' tink'e cho'q eereechanihom, wi laa'in tintaqla li saqlep sa' junaq ochoch sa' leetenamit,

Números 32:21

ut chixjunileb' laj puub' te'q'axonq junpak'al li nima' Jordán chiru li Qaawa' ut te'kanaaq aran toj reetal li Qaawa' tixsacheb' cheru chixjunileb' li xik' neke'ilok eere