Números 31:14 - Q'eqchi Bible

¹⁴ K'ajo' naq kijosq'o'k laj Moisés rik'ineb' li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub',

Li Santil hu

¹⁴ Cꞌajoꞌ nak quijoskꞌoꞌ laj Moisés riqꞌuineb li nequeꞌtaklan saꞌ xbe̱neb li jun mil chi soldado. Ut quijoskꞌoꞌ ajcuiꞌ riqꞌuineb li nequeꞌtaklan saꞌ xbe̱neb li jun ciento chi soldado.

Números 31:14 ပူးပေါင်းရင်းမြစ်များ

Efesios 4:26

Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

2 Reyes 13:19

Toja' naq li xtaql li Qaawa' kijosq'o'k chiru li awab'ej ut kixye re: “Wi ta xasak' li ch'och' oob' malaj waqib' sut, laa'at taasacheb' raj ru laj Aram chi junwaakaj! Ab'an anaqwan ox sut ajwi' taaq'ax ruheb' laj Aram”.

1 Reyes 20:42

Toja' naq li propeet kixye re li awab'ej: “Jo'ka'in xye li Qaawa': «Xb'aan naq xakanab' chi xik li winq xinteneb' kamk sa' xb'een, laa'at tatkamq cho'q reeqaj a'an, ut taasache'q ru laatenamit cho'q reeqaj li xtenamit a'an»”.

Números 31:48

Toja' naq ke'wulak rik'in laj Moisés eb' li xjolomileb' laj puub', a'eb' li xjolomileb' laj lajeetk'aal rox o'q'ob' (1,000) ut eb' laj o'taqk'aal (100),

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Levítico 10:16

Toja' naq laj Moisés kixpatz' b'ar wank li chib'aat namayejamank chirix li maak, ut kixk'e reetal naq ak k'atb'il chik. K'ajo' naq kijosq'o'k sa' xb'een laj Elehasar ut laj Itamar, ralaleb' laj Aharón li toj wankeb' chiru, ut kixye reheb':

Éxodo 32:22

Kichaq'ok laj Aharón: “Wa', matjosq'o'k. Laa'at nakanaw naq li tenamit a'in naxik xch'ool chi xb'aanunkil li ink'a' us.

Éxodo 32:19

Naq laj Moisés kijilok chi xk'atq li xmuheb'aaleb' ut kiril li saaj wakax yiib'anb'il rik'in oor ut li xajok, k'ajo' naq kichalk xjosq'il! Kixkuteb' li tz'alam pek wank sa' ruq' ut kixpuk'iheb' sa' xtoon li tzuul.

Números 31:13

Laj Moisés, laj Elehasar laj tij ut chixjunileb' li xjolomileb' li tenamit ke'elk chi xk'ulb'aleb' toj chirixeb' li muheb'aal.

Números 31:15

ut kixye reheb': “K'a'ut naq ink'a' xekamsi chixjunileb' li ixq?

1 Samuel 8:12

Wankeb' li tixxaqab' chi xjolominkil lajeetqk'aal rox o'q'ob' (1,000) malaj lajeetq roxk'aal (50) aj puub'. Wankeb' li tixk'eheb' chi k'anjelak sa' li xch'och' ut xq'olb'al li rawimq, wankeb' li tixk'e chi xyiib'ankileb' li ch'iich' re yalok jo'wi' li k'anjelob'aal reheb' li xkaar.

2 Samuel 18:1

Laj David kirajlaheb' laj puub' li wankeb' rochb'een, ut kixxaqab'eb' li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub'.