Números 30:12 - Q'eqchi Bible

¹² Ab'an wi li b'eelomej ink'a' xk'ulub'an xch'ool sa' li kutan naq xrab'i a'an, maak'a' xwankil li xyeechi'om li rixaqil malaj li k'aru xk'ulub'an xb'aanunkil. Li Qaawa' ink'a' tixk'e sa' ajl, xb'aan naq ink'a' xk'ulub'a xch'ool li b'eelomej.

Li Santil hu

¹² Abanan cui li be̱lomej ta̱rabi resil ut tixye re li rixakil nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c li ixk cui incꞌaꞌ tixba̱nu xban nak li be̱lomej quixye nak incꞌaꞌ tixba̱nu.

Números 30:12 ပူးပေါင်းရင်းမြစ်များ

Números 30:8

Ab'an wi sa' li kutan tixnaw wi' li b'eelomej ink'a' naxk'ul xch'ool, li ixq a'an ink'a' chik tento tixb'aanu li xyeechi'om ut li k'aru xk'ulub'an xb'aanunkil. Li Qaawa' ink'a' tixk'e sa' ajl.

1 Corintios 11:3

Ab'anan twaj teenaw naq li xjolomil chixjunileb' li winq a'an li Kriist, ut li xjolomil li ixq a'an li winq, ut li xjolomil li Kriist a'an li Yos.

Números 30:5

Ab'anan wi li xyuwa' sa' li kutan tixnaw wi' naq wank xyeechi'om li xrab'in malaj k'aru xk'ulub'an xb'aanunkil, ink'a' naxk'ul xch'ool, moko xaqxo ta xwankil li aatin. Li Qaawa' ink'a' tixk'e sa' ajl, xb'aan naq li yuwa'b'ej ink'a' xk'ulub'an xch'ool.

Números 15:28

Laj tij tixmayeja a'an chiru li Qaawa' re xtojb'al rix li xmaak li xmaakob'k chi ink'a' xk'ehom reetal; ut naq taa'uxq mayejak sa' xk'ab'a' li xmaakob'k, taakuymanq li xmaak.

Números 15:25

Chirix chik a'an laj tij taamayejaq re xtojb'al rix li xmaak chixjunil li xkomonileb' laj Israel, ut chi jo'kan taakuymanq li xmaakeb', xb'aan naq yal ink'a' xe'xk'e reetal ut xe'xq'axtesi ajwi' we li k'atb'il mayej ut li xyeechi'omeb' chirix li maak.

Números 30:11

wi taanawmanq xb'aan li xb'eelom ut maak'a' tixye chirix a'an, li yeechi'om a'an malaj li k'aru xk'ulub'an xb'aanunkil, xaqxo xwankil li aatin.

Números 30:13

“Yalaq k'a' chi yeechi'om malaj jurament chirix ayuun xk'ulub'an xb'aanunkil li ixq, li b'eelomej tixye ma truuq tixb'aanu malaj ink'a'.

Jeremías 44:17

tqab'aanu b'an chixjunil li wank sa' qach'ool xb'aanunkil. Toj yooqo chi xmayejankil k'ajpom ut b'iin chiru li xNa' li choxa, jo' naqab'aanu chalen toj anaqwan, jo' ke'xb'aanu chaq eb' li qana' qayuwa', eb' li awab'ej ut eb' li xjolomileb' li qatenamit sa' xteepal Judá ut sa'atqeb' li b'e re Jerusalén. Xb'aan naq junxil chaq k'ajo' li qatzekemq, jwal us koowank ut maajun rahilal kiqataw.

1 Samuel 1:23

Kichaq'ok laj Elkaná li xb'eelom: “B'aanu li k'aru us nakak'oxla ut kanaaqat toj taamaq' xtu' li k'uula'al. A' taxaq li Qaawa' chixb'aanu li k'aru xyeechi'i”, chan. Jo'kan naq li ixq kikanaak sa' rochoch ut kixtu'resi li xk'uula'al toj reetal kixmaq' chi tu'.

Jeremías 44:19

Eb' li ixq ke'xye ajwi': “Naq laa'o xooyiib'ank k'uluj sa' xk'ab'a' li xNa' li choxa, ut xooyeechi'ink k'ajpom ut b'iin chiru a'an, ma xoomayejak tab'i' chi ink'a' ta neke'xnaw eb' li qab'eelom? Ut toj yooqo ajwi' chi xb'aanunkil a'an”, chankeb'.