Números 3:8 - Q'eqchi Bible

⁸ Eb' a'an te'iloq re li k'a'aq re ru nak'anjelak sa' li Loq'laj Muheb'aal ut te'xb'aanu ajwi' li tento sa' xb'eeneb' laj Israel sa' li Loq'laj Muheb'aal.

Li Santil hu

⁸ Aꞌaneb li teꞌxocok reheb li cꞌaꞌak re ru li nacꞌanjelac saꞌ li tabernáculo. Teꞌcꞌanjelak chiruheb laj Israel nak teꞌxba̱nu li cꞌanjel li uxc naraj saꞌ li tabernáculo.

Números 3:8 ပူးပေါင်းရင်းမြစ်များ

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Números 10:21

Toja' naq ke'elk eb' laj Kehat li ke'k'amok re chixjunileb' li k'anjelob'aal. Naq neke'wulak sa' li na'ajej neke'xik wi', ak xaqab'anb'il chik li Loq'laj Na'ajej.

Números 10:17

Toja' naq eb' li ralal xk'ajol laj Kersón ut eb' laj Merarí ke'xb'oq' li loq'laj Na'ajej ut ke'xk'am.

Números 4:33

A'an a'in li k'anjel te'xb'aanu li xch'uuteb' laj Merarí. Ut laj Itamar, ralal laj Aharón laj tij, a'an li taataqlanq sa' xb'eeneb' sa' chixjunil li k'anjel te'xb'aanu sa' li Loq'laj Na'ajej”, chan.

Números 4:28

A'an a'in li k'anjel te'xb'aanu li xch'uuteb' laj Kersón sa' li Loq'laj Na'ajej. Ut laj Itamar, ralal laj Aharón laj tij, a'an li taataqlanq sa' xb'eeneb'.

Números 4:15

Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

Números 3:7

Te'xtenq'a laj Aharón ut te'xb'aanu li tento sa' xb'een chixjunil li komonil chiru li Loq'laj Muheb'aal, rik'in k'anjelak sa' li Loq'laj Na'ajej.

Números 3:9

Taaq'axtesiheb' laj Leví re laj Aharón jo' ajwi' reheb' li ralal xk'ajol cho'q xmaataneb': siib'ilaqeb' sa' xk'ab'a'eb' chixjunil laj Israel.

Números 31:30

Ut li xyiijachil te'tz'aqonq eb' laj Israel, a' yaal ma poyanameb', wakax, b'uur ut karneer, junjunq sa' xyanqeb' li lajeetq roxk'aal (50), yalaq k'a' chik chi xulil, taaq'axtesi reheb' laj Leví li wankeb' chi k'anjelak sa' li xLoq'laj Muheb'aal li Qaawa'”, chan li Yos.

1 Crónicas 23:27

Chi jo'kan, jo' chanru kixye laj David, ke'ajlaak chixjunileb' li ralal xk'ajol laj Leví li wankeb' junmay chihab' reheb' toj taqe'q,

2 Crónicas 29:11

Ex walal, k'ehomaq eech'ool chi k'anjelak, xb'aan naq li Qaawa' kisik'ok eeru re naq wanqex rik'in, texk'anjelaq chiru ut texmayejaq k'ajpom”, chan laj Esekías.