Números 3:13 - Q'eqchi Bible

¹³ xb'aan naq weheb' chixjunil li xb'een alalb'ej. Sa' li kutan naq kinrahob'tesi chixjunileb' li xb'een ralaleb' laj Ejiipt, kinraheb' cho'q we chixjunileb' li xb'een ralaleb' laj Israel, jo'eb' li winq, jo'kan ajwi' eb' li xb'een ral li ketomq. Weheb' laa'in. Laa'in li Qaawa'”.

Li Santil hu

¹³ Joꞌcan nak eb laj levitas cueheb la̱in, xban nak li xbe̱n li nayoꞌla cue la̱in chalen najter nak xinqꞌueheb chi camsi̱c li xbe̱n alalbej aran Egipto. Xinsiqꞌueb ru li xbe̱n alalbej ut cueheb la̱in. Usta cui̱nk, usta xul, cuehakeb la̱in li Ka̱cuaꞌ.—

Números 3:13 ပူးပေါင်းရင်းမြစ်များ

San Lucas 2:23

jo' tz'iib'anb'il sa' li xChaq'rab' li Qaawa': “Chixjunil li xb'een alalb'ej teloom q'axtesinb'ilaq sa' ruq' li Qaawa'”.

Éxodo 13:12

chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Éxodo 13:2

“Q'axtesinb'ilaqeb' sa' wuq' chixjunileb' li xb'een alalb'ej, chixjunil li xb'een ralaleb' laj Israel, jo' winq jo' xul, xb'aan naq we chixjunileb'”.

Levítico 27:26

“Maajun truuq tixmayeja li xb'een ral li xketomq: a'an ak re li Qaawa', xb'aan naq xb'een aleb'. Us ta junaq ch'ina wakax malaj junaq ch'ina karneer, a'an re li Qaawa'.

Éxodo 13:15

Laj Parahón kixkawub'resi xch'ool ut ink'a' kooxkanab' chi elk; jo'kan naq li Qaawa' kixkamsi chixjunileb' li xb'een alalb'ej sa' li tenamit Ejiipt, chalen li xb'een ralal li winq toj rik'in li xb'een ral li xul. Jo'kan naq ninmayeja chiru li Qaawa' chixjunil li xb'een raleb' li xul teelom, ut nink'e ruuchil chixjunil li xb'een alalb'ej sa' xyanqeb' li walal.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

Ezequiel 44:30

Li k'aru jwal chaab'il re li xb'een ru li awimq ut re chixjunil li namayejaak, rehaqeb' laj tij. Ut naq laa'ex teeyiib' li q'em, tento teek'e reheb' li xb'een taa'elq. Chi jo'kan li wosob'tesihom wanq junelik sa' eeb'een sa' leerochoch.

Números 18:15

“Chixjunil li xb'een ralal eb' laj Israel malaj li xb'een raleb' li ketomq li namayejaak we, tink'eheb' aawe. Ab'an chirixeb' li xb'een ralaleb' li winq ut li xb'een raleb' li xul li ink'a' natzekamank, taapatz' xtojb'aleb' rix.

Éxodo 34:19

“Chixjunil li xb'een alalb'ej wehaq laa'in; jo'kan ajwi' chixjunileb' li xb'een ral li wakax malaj li karneer, a'eb' li kok' teelom, wehaqeb' laa'in.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Nehemías 10:36

Tqak'am ajwi' sa' rochoch li qaYos li xb'een qalal jo'wi' li xb'een ral li qawakax, li qakarneer ut chixjunil li qaketomq, jo' chanru tz'iib'anb'il sa' li Chaq'rab', ut taaqaq'axtesi reheb' laj tij li neke'k'anjelak sa' li Loq'laj Ochoch.

Números 3:41

Chirix chik a'an, taaq'axtesiheb' cho'q we li Qaawa' eb' laj Leví, cho'q ruuchileb' chixjunil li xb'een ralaleb' laj Israel. Jo'kan ajwi' taaq'axtesi cho'q we li xketomq eb' laj Leví, cho'q ruuchileb' li xb'een ralaleb' laj Israel. Jo'kan ajwi' taaq'axtesi cho'q we li xketomq eb' laj Leví cho'q ruuchileb' li xb'een ral chixjunileb' li xketomq eb' laj Israel”, chan.

Números 18:6

Laa'in xinsik' ruheb' laakomon aj Leví sa' xyanqeb' laj Israel. A'aneb' jun maatan li ninq'axtesi eere; ak q'axtesinb'ileb' re li Qaawa' re te'k'anjelaq sa' li Loq'laj Muheb'aal.

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.