Números 28:9 - Q'eqchi Bible

⁹ “Sa' li hilob'aal kutan taamayeja wiib' li karneer aj junq chihab', chi maak'a'aq reek'eb'. Taak'e ajwi' waqxaqib' liib'r chi k'aj yoq'inb'ilaq rik'in aseeyt, rochb'een li xb'iinul.

Li Santil hu

⁹ Ut li mayej li teꞌxqꞌue saꞌ li hiloba̱l cutan, aꞌan cuib li carner jun chihab cua̱nk reheb ut ma̱cꞌaꞌak re̱qꞌueb. Teꞌxqꞌue ajcuiꞌ caꞌchꞌin ma̱ bele̱b libra li cꞌaj yokꞌinbil riqꞌuin aceite. Ut teꞌxqꞌue ajcuiꞌ li vino rochben.

Números 28:9 ပူးပေါင်းရင်းမြစ်များ

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Apocalipsis 1:10

Sa' xkutankil li Qaawa', kinreechani li Musiq'ej ut kiwab'i chiwix jun kawil xyaab' kuxej, kama' xyaab' li tronpeet, yo chi xyeeb'al we:

Ezequiel 20:12

Kink'e ajwi' chi xloq'oniheb' li xwuq li kutan, ut a'an kikanaak jo' eetalil rik'ineb' a'an ut laa'in, re raj te'xjultika naq laa'in, li Qaawa', insantob'resihomeb' cho'q intenamit.

Números 28:8

Li xkab' karneer teemayeja ewu: teeyeechi'i jo' tz'aqal li xb'een karneer, rochb'een li k'aj ut li b'iin. A'anaq jun k'atb'il mayej sununk xb'ook chiru li Qaawa'.

Números 28:10

Li k'atb'il mayej a'in taak'eemanq sa' li hilob'aal kutan. Taayeechi'i ajwi' li mayej nakayeechi'i rajlal kutan rochb'een li xb'iinul.

2 Crónicas 2:4

K'e reetal, twaj xkab'lankil jun rochoch li Qaawa' linYos re naq q'axtesinb'ilaq cho'q re A'an, jo' ajwi' re xk'atb'al sununkil ensens chiru, re xmayejankil rajlal li loq'laj wa ut xyeechi'inkil k'atb'il xul eq'la ut ewu, sa' li kutan sábado, sa' xyo'lajik li po ut sa'atqeb' chik jalan ninq'e sa' xk'ab'a' li Qaawa' li qaYos, jo' junelik na'uxmank Israel.

2 Crónicas 8:13

kimayejak sa'eb' li kutan naq tento xb'aanunkil, jo' chanru naxye li xchaq'rab' laj Moisés, naraj naxye, sa'eb' li kutan sábado, sa' xyo'lajik li po ut sa' li oxib' chi ninq'e nawank chiru li junq chihab': sa' li xNinq'e li wa ink'a' yuub'il, sa' xNinq'eheb' li Xamaan ut sa' xNinq'eheb' li Muheb'aal.

Ezequiel 46:4

Li k'atb'il mayej tixyeechi'i laj jolominel chiru li Qaawa' sa' xwuq li kutan, a'an waqib' kok' karneer ut jun teelom karneer li maak'a'eb' reek'.

2 Reyes 4:23

“K'a'ut naq xik aawe rik'in anaqwan, naq maji' nayo'laak li po chi moko sábado ta?”, chan li b'eelomej. Ab'an li ixq kixye: “Matk'oxlak”.

2 Crónicas 2:3

Chirix chik a'an laj Salomón kixtaqla xyeeb'al re laj Jirán, awab'ej re Tiro: “B'aanu wik'in li xab'aanu rik'in laj David linyuwa', naq xataqlaheb' chaq naab'al li che' yaw, re kixyiib' jun rochoch b'arwi' kiwank.