Números 28:7 - Q'eqchi Bible

⁷ Ut li b'iin taamayejamanq rochb'eeneb' li karneer, a'an kaaka sek' chi aseeyt cho'q re li junjunq chi karneer. Li b'iin ak xk'aho'k, teehoy sa' li Loq'laj Muheb'aal, sa' xk'ab'a' li Qaawa'.

Li Santil hu

⁷ Teꞌxmayeja jun litro li vino rochben li junju̱nk chi carner. Teꞌxhoy li vino saꞌ li artal li cuan saꞌ li tabernáculo re xqꞌuebal lin lokꞌal.

Números 28:7 ပူးပေါင်းရင်းမြစ်များ

Éxodo 29:42

k'atb'il mayej yeechi'inb'ilaq junelik chiru li Qaawa', sa' rokeb'aal li xMuheb'aal li ch'utam b'arwi' tinwanq aawik'in re aawaatinankil.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Joel 1:9

Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Isaías 57:6

“At Israel, nawulak chawu xloq'oninkileb' ru eb' li t'ort'ookil pek li wankeb' sa'eb' li nima', xb'aan naq a'aneb' tz'aqal aaweechanihom. Sa' xb'eeneb' ajwi' a'an xahoy laab'iin naq xatmayejak. Ma taach'anaaq linjosq'il xb'aan a'an naq nakak'oxla?

Números 28:31

Teeb'aanu a'in ut teek'e ajwi' li k'atb'il mayej li xaqxo xb'aanunkil rajlal kutan, rochb'een li k'aj yoq'inb'il rik'in li aseeyt ut li b'iin.

Números 28:14

Li b'iin li taamayejamanq, a'an kab'taqlaju sek' cho'q re li junjunq chi saaj wakax, kab'taqlaju sek' cho'q re li junjunq chi chib'aat ut kab'taqlaju sek' cho'q re li junjunq chi karneer. A'anaq a'in li k'atb'il mayej taak'eemanq rajlal po chiru li junq chihab'.

Números 15:10

ut waqxaqib' sek' chi b'iin, rochb'een li saaj wakax, jo' chaab'il ut sununkil mayej chiru li Qaawa'.

Números 15:7

ut numenaq jun liitr li b'iin, ut taayeechi'i a'an cho'q sununkil mayej chiru li Qaawa'.

Números 15:5

Taayeechi'i ajwi' jun meet li b'iin rochb'een li k'atb'il mayej malaj li junjunq chi karneer.

Levítico 23:13

Teek'am ajwi' numenaq waqxaqib' liib'r li k'aj triiw, a' li chaab'il ut yoq'lenb'ilaq rik'in aseeyt, re taaq'axtesimanq chiru li Qaawa' jo' k'atb'il mayej sununk xb'ook. Ut cho'q eemayej ha', tento teeq'axtesi jun meet li b'iin.

Éxodo 30:9

Meeyeechi'i jalan chik ensens sa' xb'een li artal a'an, chi moko k'atb'il xul malaj mayej, chi moko taahoy k'a'aq chi uk'a'il.

Éxodo 29:40

Rochb'een li xb'een ch'ina karneer taayeechi'i ajwi' numenaq kaahib' liib'r li chaab'il xk'aj li triiw, yoq'b'ilaq rik'in kaahib' sek' chi chaab'il aseeyt; jo'kan ajwi' taayeechi'i jun litro li b'iin.

Números 28:6

A'an a'in li junelik mayej kiyeechi'imank chalen chaq junxil sa' li tzuul Sinaí, jo' sununkil mayej nawulak chiru li Qaawa'.

Números 28:8

Li xkab' karneer teemayeja ewu: teeyeechi'i jo' tz'aqal li xb'een karneer, rochb'een li k'aj ut li b'iin. A'anaq jun k'atb'il mayej sununk xb'ook chiru li Qaawa'.

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.