Números 28:3 - Q'eqchi Bible

³ “Ye ajwi' reheb': A'anaq a'in li k'atb'il mayej teeyeechi'i re li Qaawa': rajlal kutan teemayeja ka'kab' karneer aj junq chihab', maak'a'aq reek'eb', cho'q junelik mayej.

Li Santil hu

³ Aꞌan aꞌin li cꞌatbil mayej li teꞌxqꞌue cue la̱in li Ka̱cuaꞌ. Rajlal cutan teꞌxmayeja saꞌ li artal cuib li carner te̱lom jun chihab cua̱nk reheb ut ma̱cꞌaꞌak re̱qꞌueb.

Números 28:3 ပူးပေါင်းရင်းမြစ်များ

Levítico 6:9

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li k'atb'il mayej: Li xul mayejanb'il tento taakanaaq sa' xb'een li ru xam re li artal chiru chixjunil li q'oqyink, re naq taak'atq.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Daniel 12:11

Chalen sa' li kutan naq taasachmanq xwankil li mayejak rajlal kutan ut taak'ojob'aaq li xnimal tz'i'b'eetal sa' rochoch li Yos, taanume'q lajeeb' ro'k'aal xka o'q'ob' (1,290) kutan.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Daniel 8:13

“Toja' naq kiwab'i jun li ánjel yo chi aatinak, ut li jun chik kixpatz' re: «Jo' najtil taawanq xk'utb'esinkil li moy u a'in? Jo' najtil taawanq li mayejak rajlal kutan, li jo'maajo'il na'leb' ut li loq'laj Muheb'aal? Jo' najtil chik yooq xtawasinkileb' laj paab'anel?».

Hebreos 9:6

Naq chixjunil ak k'uub'anb'il chi jo'kan, eb' laj tij neke'ok junelik sa' li xb'een raqal li Muheb'aal re xb'aanunkil li xloq'laj k'anjeleb'.

Levítico 3:5

Eb' laj tij te'xk'at chixjunil a'in sa' xb'een li artal rochb'een li xul li taak'atmanq sa' xb'een li si' yo xxamlel, jo' k'atb'il mayej sununk xb'ook chiru li Qaawa',

Números 28:4

Jun karneer teemayeja cho'q k'atb'il mayej eq'la, ut li jun chik teemayeja ewu.

Números 28:10

Li k'atb'il mayej a'in taak'eemanq sa' li hilob'aal kutan. Taayeechi'i ajwi' li mayej nakayeechi'i rajlal kutan rochb'een li xb'iinul.

Números 28:15

Taayeechi'i ajwi' re li Qaawa', chirix li kuyuk maak, jun teelom chib'aat rochb'een li b'iin ut li k'atb'il mayej nakak'e rajlal kutan.

Números 28:23

Teeyeechi'i chixjunil a'in rochb'een li k'atb'il mayej nak'eemank eq'la re li kutan junjunq.

Números 28:24

Jo'ka'in teeb'aanu chiru li wuqub' kutan. A'anaq li loq'laj tzekemq, li k'atb'il mayej sununk xb'ook chiru li Qaawa': taamayejamanq rochb'een li b'iin ut li k'atb'il mayej nekeyeechi'i rajlal kutan.

Números 28:31

Teeb'aanu a'in ut teek'e ajwi' li k'atb'il mayej li xaqxo xb'aanunkil rajlal kutan, rochb'een li k'aj yoq'inb'il rik'in li aseeyt ut li b'iin.

Números 29:6

Teeb'aanu a'in, ut teek'e ajwi' li k'atb'il mayej na'uxmank rajlal po, rochb'een leeyeechi'om ut li namayejamank rajlal kutan rochb'een leeyeechi'om ut li b'iin, jo' chanru leechaq'rab'inkil. A'anaq jun k'atb'il mayej li sununk xb'ook chiru li Qaawa'.

Números 29:11

Teemayeja ajwi' junaq chib'aat cho'q mayej chirix li maak, jalan wi' chiru li mayej nak'eemank chirix li maak sa' xKutankil li kuyuk sachok maak, ut li k'atb'il mayej na'uxmank rajlal kutan, rochb'een li k'aj yoq'inb'il rik'in aseeyt ut li b'iin.

Números 29:16

Teek'e ajwi' junaq teelom chib'aat cho'q mayej chirix li maak. Teeb'aanu chixjunil a'in ut teeyeechi'i ajwi' li k'atb'il mayej na'uxmank rajlal kutan rochb'een li k'aj yoq'inb'il rik'in aseeyt ut li b'iin.

1 Crónicas 16:40

re naq te'yeechi'inq k'atb'il mayej chi junelik chiru li Qaawa', sa' xb'een li artal reheb' li k'atb'il mayej, eq'la ut ewu, tz'aqal jo' chanru wank reetalil sa' li Chaq'rab' kixk'e li Qaawa' reheb' laj Israel.

2 Crónicas 8:13

kimayejak sa'eb' li kutan naq tento xb'aanunkil, jo' chanru naxye li xchaq'rab' laj Moisés, naraj naxye, sa'eb' li kutan sábado, sa' xyo'lajik li po ut sa' li oxib' chi ninq'e nawank chiru li junq chihab': sa' li xNinq'e li wa ink'a' yuub'il, sa' xNinq'eheb' li Xamaan ut sa' xNinq'eheb' li Muheb'aal.

Esdras 3:5

Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.

Amós 4:4

“Ayuqex aran Betel ut Kilkal chi xb'aanunkil leemaa'usilal, ut cheq'etq'eti eerib' chiru li Qaawa' chi anchal leech'ool! Toj eq'la k'amomaq leemayej ut rajlal oxib' kutan a' chik li xlajeetqil leerawimq!

Daniel 8:11

Li xukub' a'an q'axal kinumtaak toj reetal koxtoch' li xjolomileb' li chahim, kixsach xwankil li mayejak na'uxmank rajlal kutan ut kixb'eki li rub'elankil li xsantil ochoch li Yos.