Números 28:2 - Q'eqchi Bible

² “Ye reheb' laj Israel naq wanq sa' xch'ooleb' xk'eeb'al we, tz'aqal sa' xq'ehil, linmayej ut lintzekemq jo' ajwi' link'atb'il mayej li jwal sununk xb'ook.

Li Santil hu

² —Ta̱ye reheb laj Israel nak junelic teꞌxqꞌue li cꞌatbil mayej ut li mayej caxlan cua saꞌ xkꞌehil. Aꞌan li sununquil cꞌatbil mayej li nacuulac chicuu la̱in li Ka̱cuaꞌ.

Números 28:2 ပူးပေါင်းရင်းမြစ်များ

Levítico 3:11

Chirix chik a'an laj tij tixk'at chixjunil a'in sa' xb'een li artal, jo' tzekemq, k'atb'il mayej sa' xk'ab'a' li Qaawa'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Filipenses 4:18

Wank li k'aru we, re xq'axb'al li junjunq chi kutan, ut na'ela'ank ajwi'. Sa chik wankin rik'in li tenq'aal li xetaqla chaq we chirix laj Epafrodito: a'an sununkil b'ook ut chaab'il mayej li nawulak chiru li Yos.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

2 Corintios 2:15

Xb'aan naq laa'o kama'o xsununkil li Kriist chiru li Yos, sa' xyanqeb' li wankeb' sa' xb'e li kolb'a ib' jo'wi' sa' xyanqeb' li yookeb' chi sachk:

Malaquías 1:12

“A'ut laa'ex aj tij nekesach inloq'al naq nekeye: «Li xmeex li Qaawa' naru xmuxb'al xloq'al, ut li tzekemq wank aran naru xtz'eqtaanankil».

Malaquías 1:7

Laa'ex nekemayeja sa' lin'artal li tzekemq muxb'il ru, ut nekepatz': «K'aru xqamux wi' aaloq'al?», chankex. Laa'ex nikineetz'eqtaana naq nekek'oxla naq naru xtz'eqtaanankil lin'artal

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

Ezequiel 16:19

Li kaxlan wa ink'ehom aawe, li chaab'il k'aj, li xya'al kab' ut li aseeyt katinch'oolani wi', kayeechi'i reheb', cho'q aasununkil mayej -chan li Qaawa'-.

Salmos 81:3

Chexb'ichanq, chetoch' leekok' tun, ch'e'omaq li loq'laj aarp ut li kitaar!

Números 15:24

“Wi xeq'et li chaq'rab' sa' komonil chi ink'a' nekenaw, chixjunil li tenamit tento te'xmayeja junaq saaj wakax jo' k'atb'il mayej jwal sununk chiru li Qaawa', rochb'een li mayej k'aj ut li b'iin, jo'wi' jun chib'aat cho'q re li kuyuk maak.

Números 15:7

ut numenaq jun liitr li b'iin, ut taayeechi'i a'an cho'q sununkil mayej chiru li Qaawa'.

Números 15:3

ut naq teeyeechi'i leewakax malaj leekarneer cho'q k'atb'il ut sununkil mayej sa' xk'ab'a' li Qaawa' re naq taatz'aqloq ru li xeyeechi'i we malaj xb'aan naq jo'kan x'alaak sa' leech'ool malaj sa' xk'ab'a' junaq ninq'e,

Números 9:13

Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Números 9:7

ut ke'xye reheb': “Xqamux qib' xb'aan xch'e'b'al junaq kamenaq. K'a'ut naq ramro chiqu li mayejak chiru li Qaawa' tz'aqal sa' xkutankil, qochb'eeneb' li qakomon?”, chankeb'.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Levítico 1:17

Chirix a'an tixcho' sa' xyi li mukuy, tixchap sa' xxik', ab'an moko tixjach ta chi junwaakaj, ut tixk'at sa' li artal, sa' xb'een li si' li wank sa' li xam. A'an jun k'atb'il mayej sununk xb'ook chiru li Qaawa'.

Levítico 1:13

Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Éxodo 29:18

ut taak'at chixjunil li karneer sa' li artal. A'an k'atb'il mayej cho'q re li Qaawa', sununkil b'ook, k'atb'il tzekemq cho'q re li Qaawa'.

Éxodo 23:15

Taanima ru li xninq'e li wa ink'a' yuub'il. Chiru wuqub' kutan tatwa'oq wa ink'a' yuub'il, jo' chanru laataqlankil, sa' xq'ehil, chiru li po Abib, xb'aan naq chiru li po a'an kat-elk chaq Ejiipt. Maajun taachalq wik'in chi maak'a' ta tixk'am chaq.

Números 28:1

Li Qaawa' kixye re laj Moisés:

Esdras 3:3

Ke'xk'ojob' li artal chi chaab'il, us ta yookeb' xxiw xb'aaneb' laj ab'l tenamit wankatqeb' aran, ut ke'mayejak sa' xk'ab'a' li Qaawa' eq'la ut ewu sa' xb'een li artal.

Números 29:39

“A'aneb' a'in li mayej teeyeechi'i re li Qaawa' sa' leeninq'e, jalan wi' li mayej nekeyeechi'i rajlal ut li na'alaak sa' eech'ool, a'eb' leek'atb'il mayej, li ru li awimq, li mayejanb'il b'iin ut li mayejak chirix li k'amok ib' sa' usilal rik'in li Yos”.

1 Crónicas 23:31

jo' ajwi' re xyeechi'inkil chixjunileb' li k'atb'il mayej chiru li Qaawa' sa' li sábado, sa' xyo'lajik li po ut sa'eb' li ninq'e, jo'k'ihaleb' li tz'iib'anb'il chaq xk'ab'a'eb' chi junajwa re k'anjelak chiru li Yos.

2 Crónicas 23:18

Laj Johadá kixxaqab'eb' aj k'aak'alehom re li rochoch li Yos, rub'el xwankileb' laj Leví ut eb' laj tij, jo' chanru xjek'ihom laj David junxil sa' rochoch li Qaawa' ut jo' tz'iib'anb'il sa' li xChaq'rab' laj Moisés, re xyeechi'inkil k'atb'il mayej rik'in sahil ch'oolej ut b'ichank, jo' xchaq'rab'ihom laj David.

2 Crónicas 31:3

Li awab'ej kixk'e kach'in xketomq cho'q re li k'atb'il mayej na'uxmank eq'la ut ewu, jo' ajwi' cho'q re li na'uxmank sa'eb' li sábado, sa' xyo'lajik li po ut sa'eb' li ninq'e, jo' chanru tz'iib'anb'il sa' xchaq'rab' li Qaawa'.

Esdras 3:2

Toja' naq laj Josué, ralal laj Josadak, rochb'eeneb' laj tij jo'wi' laj Sorobabel, ralal laj Sehaltiel, ut eb' li rech'alal, ke'ok chi xyiib'ankil li x'artal li xYos laj Israel, re te'xmayeja li k'atb'il yeechi'om, jo' tz'iib'anb'il sa' li xChaq'rab' laj Moisés, li xtaql li Yos.

Nehemías 10:34

Kiqak'uub' ajwi' naq eb' laj tij, eb' laj Leví ut chixjunil li tenamit te'b'uuliiq rixeb' re rilb'al ani taak'amoq si' rajlal chihab' sa' rochoch li qaYos, tz'aqal sa' xq'ehil, re taak'atmanq sa' xb'een x'artal li Qaawa' li qaYos, jo' chanru tz'iib'anb'il sa' li Chaq'rab'.

Ezequiel 45:17

ut a'in taak'ehoq li xul cho'q re li k'atb'il mayej. A'an ajwi' taaq'axtesinq re li mayej k'aj ut li b'iin, li na'oksimank rajlal xwuq kutan ut rajlal po, sa' chixjunileb' li xninq'eheb' laj Israel. Laj jolominel tento ajwi' tixk'e chixjunil li mayej chirix li maak, li mayej k'aj, li k'atb'il mayej, ut li nayeechi'imank re li k'amok ib' sa' usilal, re naq laa'in tinkuy xmaakeb' li ralal xk'ajol laj Israel.