Números 27:18 - Q'eqchi Bible

¹⁸ Kichaq'ok li Qaawa' ut kixye re laj Moisés: “B'oq laj Josué, ralal laj Nun, a'an jun li winq nujenaq chi musiq'ej. K'e laawuq' sa' xb'een xjolom

Li Santil hu

¹⁸ Ut li Ka̱cuaꞌ quixye re laj Moisés: —Laj Josué li ralal laj Nun, aꞌan cuan lin musikꞌ riqꞌuin. Ta̱qꞌue la̱ cuukꞌ saꞌ xjolom ut ta̱xakab chi cꞌamoc be chiruheb li tenamit.

Números 27:18 ပူးပေါင်းရင်းမြစ်များ

Deuteronomio 34:9

Nujenaq chi chaab'il k'a'uxl laj Josué, ralal laj Nun, xb'aan naq laj Moisés kixk'e li ruq' sa' xb'een. Jo'kan naq eb' laj Israel ke'ab'ink chiru ut ke'xb'aanu li kitaqlaak wi' laj Moisés xb'aan li Qaawa'.

Números 27:23

Laj Elehasar kixk'e eb' li ruq' sa' xb'een xjolom laj Josué ut kixchaq'rab'i chi chaab'il, jo' yeeb'il re laj Moisés xb'aan li Qaawa'.

Génesis 41:38

ut laj Parahón kixye reheb' laj k'anjel chiru: “Ma tqataw tab'i' junaq winq kama' a'in li wank xmusiq' li Yos rik'in?”.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

Hechos 19:6

Ut naq laj Pablo kixk'e li ruq' sa' xb'eeneb', kichalk li Santil Musiq'ej sa' xb'eeneb' ut ke'ok chi aatinak sa' jalan jalanq aatinob'aal, jo'eb' li propeet.

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Deuteronomio 3:28

K'e xchaq'rab'inkil laj Josué, ch'olob' chiru ut k'e xkawub' li xch'ool, xb'aan naq a' chik a'an taak'amoq xb'e li tenamit a'in: a'an li taak'ehoq chireechani li ch'och' a'in li yookat chi rilb'al», chan li Qaawa'.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

Daniel 5:14

Xwab'i resil naq wank aawik'in li xmusiq' eb' li loq'laj yos, jwal seeb' laak'a'uxl ut numtajenaq nim laachoxahil na'leb'.

Jueces 11:29

Toja' naq li xMusiq' li Qaawa' kikub'e chaq sa' xb'een laj Jefté; ut a'in kixb'eeni Galahad ut Manasés, kinume'k Mispá re Galahad ut chirix a'an ki'ok sa' xna'ajeb' laj Amón.

Hebreos 6:2

miqak'e chik li tzolok chirixeb' li kub'iha', li xk'eeb'al li uq'ej sa' xb'een jolomej, li xwaklijikeb' wi' chik eb' li kamenaq ut li raqb'a aatin sa' roso'jikeb' li kutan.

1 Timoteo 5:22

Maaseeb'a aawib' chi xk'eeb'al laawuq' sa' xb'een anihaq. Mattz'aqonk rik'in xmaak anihaq ut wanqat chi saq ru laach'ool.

1 Timoteo 4:14

Maakanab' xch'oolaninkil laamaatan li wank aawik'in, li xk'eemank aawe xb'aan li raatin propeet naq chixjunileb' li xcheekel winqilaleb' li Iklees xe'xk'e li ruq'eb' sa' aab'een.

Hechos 13:3

Toja' naq ke'ok wi' chik chi ayuunik ut chi tijok; chirix a'an ke'xk'e li ruq'eb' sa' xb'eeneb' ut ke'xchaq'rab'iheb'.

Hechos 6:6

Chirix chik a'an ke'xaqab'aak chiruheb' li apóstol, ut eb' a'in ke'tijok ut ke'xk'e li ruq' sa' xb'eeneb'.

Hechos 6:3

Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in.

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

Números 13:16

A'aneb' a'in li xk'ab'a'eb' li winq ke'taqlaak xb'aan laj Moisés re rilb'al li tenamit. Ab'an laj Oseas, ralal laj Nun, Josué kik'ehe'k cho'q xk'ab'a' xb'aan laj Moisés.

Números 13:8

laj Oseas, ralal laj Nun, sa' xk'ab'a' xteepalil laj Efraín;

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

Éxodo 17:9

Toja' naq laj Moisés kixye re laj Josué: “Taasik'eb' ru winq li te'xik chawix wulaj re yalok rik'ineb' laj Amalek. Laa'in xaqxooqin sa' xb'een li tzuul, chi wanq xxuq' li Yos sa' wuq'”.

Deuteronomio 1:37

“Eemaak ajwi' laa'ex naq li Qaawa' kijosq'o'k wik'in ut kixye we: «Chi moko laa'at tat-ok aran.

Deuteronomio 31:3

A' li Qaawa' laaYos, a'an li taak'amoq b'e cheru naq texnume'q junpak'al li nima'. A'an taasachoq reheb' li tenamit a'an cheru ut taarisiheb' sa' li xna'ajeb'. Laj Josué, a'an li taajolominq eere, jo' chanru xyehom li Qaawa'.

Deuteronomio 3:21

“Kink'e ajwi' li chaq'rab' a'in re laj Josué: «Xawil rik'in laawu li k'aru xb'aanu li Qaawa' leeYos rik'ineb' li wiib' chi awab'ej a'in. Jo'kan ajwi' tixb'aanu li Qaawa' rik'in chixjunileb' li awab'ejihom b'arwi' toxatnume'q.

Deuteronomio 31:14

Chirix chik a'an li Qaawa' kixye re laj Moisés: “K'e reetal, li xkutankil laakamik nach' chik wank. B'oq chaq laj Josué ut wulaqex sa' li Loq'laj Muheb'aal, re naq tinye re li k'aru tento tixb'aanu”, chan. Koheb' laj Moisés ut laj Josué, ut ke'wulak sa' li Loq'laj Muheb'aal.

Josué 1:17

Jo' naq koo'ab'ink chiru laj Moisés, too'ab'inq ajwi' chawu laa'at sa' chixjunil. Ka'ajwi' a'in naqatz'aama: naq wanq li Qaawa' aawik'in jo' naq kiwank rik'in laj Moisés.

1 Crónicas 7:27

laj Nun ut laj Josué.