Números 26:65 - Q'eqchi Bible

⁶⁵ xb'aan naq xyehom li Qaawa' naq te'kamq sa' li chaqich'och'. Maajun kikanaak chi yo'yo; ka'ajwi' laj Kaleb, ralal laj Jefuné, ut laj Josué, ralal laj Nun, ke'kole'k.

Li Santil hu

⁶⁵ Ma̱ jun li queꞌajla̱c junxil cuan saꞌ xya̱nkeb xban nak li Ka̱cuaꞌ quixye nak teꞌca̱mk saꞌ li chaki chꞌochꞌ. Caꞌaj cuiꞌ laj Caleb li ralal laj Jefone, ut laj Josué li ralal laj Nun queꞌcana chi yoꞌyo.

Números 26:65 ပူးပေါင်းရင်းမြစ်များ

Números 14:38

Ab'an laj Josué, ralal laj Nun, ut laj Kaleb, ralal laj Jefuné, ke'kole'k sa' xyanqeb' li ke'wulak chaq chi rilb'al li na'ajej.

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.

Números 14:35

Laa'in li Qaawa' xin'aatinak. Jo'kan tinb'aanu re chixjunil li komonil a'in yib'ru xna'leb'eb' li xe'xch'utub' rib' chi xwech'b'al wix. Sa' li chaqich'och' a'in maajun tkanaaq: te'kamq chixjunileb', chan li Qaawa'.

San Judas 1:5

Us ta ak nekenaw chixjunil a'in ut chi junwaakaj, ab'anan toj nawaj xjultikankil cheru: yookin chi aatinak chirix li Qaawa'. A'an xb'enwa kirisi chaq li xtenamit sa' xteepal Ejiipt ut moqon chik kixsacheb' li ink'a' ke'paab'ank.

Éxodo 12:37

Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.

Números 14:26

Li Qaawa' kiraatina wi' chik laj Moisés ut laj Aharón chi jo'ka'in:

Números 14:32

Leech'och'el leesululel taakanaaq sa' li chaqich'och' a'in,

Números 27:3

“Li qayuwa' kikamk sa' li chaqich'och'. A'an maawa' jun sa' xyanqeb' laj Koré li ke'wech'ok rix li Qaawa'; kikamk b'an xb'aan naq kimaakob'k, ut ink'a' kixkanab' xteelom al.

Números 34:19

A'aneb' a'in li xk'ab'a'eb': laj Kaleb, ralal laj Jefuné, sa' xteepalil laj Judá;

Deuteronomio 1:36

Ka'ajwi' laj Kaleb, ralal laj Jefuné, a'an yaal naq toxril: laa'in tinq'axtesi re a'an ut reheb' li ralal xk'ajol li ch'och' li wankeb' wi', xb'aan naq xtaaqi li Qaawa' chi tz'aqal re ru», chan li Qaawa'.

Josué 5:4

Kixb'aanu chi jo'ka'in xb'aan naq chixjunileb' li winq li ke'elk chaq Ejiipt, a'eb' li kaweb' rib' chi yalok, maak'a'eb' chik: ke'kamk chaq sa' li chaqich'och' chiru li xb'eenikeb' chirix li relikeb' chaq Ejiipt.

Salmos 37:9

xb'aan naq eb' laj b'aanuhom maa'usilal te'sache'q chi junajwa, a'ut li k'ojk'ookeb' xch'ool rik'in li Qaawa' te'reechani li chaab'il na'ajej.