Números 26:53 - Q'eqchi Bible

⁵³ “Sa' xyanqeb' a'an taajachi li ch'och' re te'reechani, jo' chanru xe'ajlamank.

Li Santil hu

⁵³ —Aꞌaneb li teꞌjeqꞌui̱k xchꞌochꞌeb aꞌ yal joꞌ qꞌuialeb li tzꞌi̱banbil xcꞌabaꞌeb.

Números 26:53 ပူးပေါင်းရင်းမြစ်များ

Josué 14:1

A'an a'in li ch'och' re Kanahán li ke'xk'ul eb' laj Israel cho'q reechanihomeb', jo' chanru kik'ehe'k reheb' xb'aan laj Elehasar, laj tij, ut laj Josué, ralal laj Nun, ut xb'aaneb' ajwi' li xjolomileb' li junkab'al sa' li xteepaleb' laj Israel.

Josué 11:23

Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.

Salmos 105:44

Ut kixk'e reheb' li xch'och'eb' li poyanam: ke'reechani li ru xk'anjeleb' li jalaneb' xtenamit,

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Apocalipsis 5:10

ut kak'eheb' chi awab'ejink cho'q aj tij cho'q re li qaYos, ut te'awab'ejinq sa' xb'een li ruuchich'och'”.

San Mateo 5:5

Us xaq reheb' li tuulaneb', xb'aan naq te'reechani li loq'laj na'ajej yeechi'inb'il xb'aan li Yos.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Ezequiel 47:22

A'anaq leereechanihom; a'anaq ajwi' li na'ajej te'tz'aq li jalaneb' xtenamit wankeb' sa' eeyanq ut xe'wank ralal xk'ajoleb' sa' eeyanq. Juntaq'eet teeril jo'eb' aj Israel; sa' xjek'inkil li ch'och' eb' a'an ajwi' te'tz'aq na'ajej sa' eeyanq laa'ex aj Israel.

Salmos 49:14

Jo'ka'in te'xk'ul eb' li neke'xk'e xloq'al xjuneseb' rib'; jo'ka'in te'oso'q li neke'xnimob'resi rib'eb'.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Números 26:52

Toja' naq li Qaawa' kixye re laj Moisés:

Números 26:54

Li naab'aleb', taayu' ru li xch'och'eb'; ut li ink'a' k'iheb', taak'os ru li xch'och'eb'. Eb' li junjunq te'eechaninq jo' xk'ihalil xe'ajlamank.

Números 33:54

Teejek'i li ch'och' chi b'uulinb'il sa' xyanqeb' li junq teep. Li naab'aleb', teeyu' ru li xch'och'eb'; ab'an li ink'a' k'iheb', teek'os ru li xch'och'eb'. B'ar taatz'aq li junq teep, aran wanq li ch'och' taareechani. Teejek'i li ch'och', a' yaal ani li xxe'toonil yuwa'eb'.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

1 Crónicas 16:18

naq kixye: «Tink'e aawe li tenamit Kanahán, ut tinsi aawe cho'q aaweechanihom», chan.